पुणे : पोलिसांना गुंगारा देत हातभट्टी दारूची वाहतूक करून विक्री करण्यासाठी दोघांनी नामी शक्कल लढविली. मात्र त्यांचा हा बनाव जास्त वेळ पोलिसांंच्या नजरेतून सुटू शकला नाही. लाॅकडाऊनच्या कालावधीत भाजी खरेदी करण्याच्या बहाण्याने घराबाहेर बाहेर पडून हातभट्टी दारूची वाहतूक करून विक्री करणाऱ्या दोघांच्या विरुद्ध दत्तावाडी पोलिस ठाण्यात कलम 188, 269, 270, 271 कलमांतर्गत गुन्हा दाखल करण्यात आला आहे.