O’Romeo Box Office : व्हॅलेंटाईन डेच्या दिवशी अभिनेता शाहिद कपूर याची मुख्य भूमिका असलेला ओ रोमिओ चित्रपट प्रदर्शित झाला. रिलीजच्या पहिल्या दोन दिवसांतच चित्रपटाने धुमाकूळ घालत २० कोटींची कमाई केली आहे. या चित्रपटात शाहिद कपूरसोबत अभिनेत्री तृप्ती डिमरी मुख्य भूमिकेत आहे. १३ फेब्रुवारी रोजी ओ रोमिओ चित्रपट चित्रपटगृहात रिलीज करण्यात आला. आता चित्रपटाच्या दोन दिवसांच्या बॅाक्स अॅाफिस कलेक्शनचे आकडे समोर आले आहेत. Sacnilk च्या रिपोर्टनुसार, शाहिद कपूरच्या चित्रपटाने दुसऱ्या दिवशी १२.२५ कोटी रुपयांची कमाई केली आहे. रिलीजच्या पहिल्याच दिवशी ८.५० कोटी रुपयांचे ओपनिंग डे कलेक्शन चित्रपटाने केले आहे. त्यानंतर दुसऱ्या दिवशी २०.७५ कोटींची कमाई करत एकूण मिळून २०.७५ कोटींचे कलेक्शन दोन दिवसात केले आहे. मीडिया रिपोर्टनुसार, ‘ओ रोमियो’ने भारतीय बॉक्स ऑफिसवर एकूण २४.६ कोटी रुपयांचे कलेक्शन गोळा केले आहे. परदेशामधून चित्रपटाला चांगला प्रतिसाद मिळत असून २ कोटींची कमाई केली आहे. त्यानुसार जगभरात एकूण बॅाक्स कलेक्शन २६.६ कोटी रुपयांचे झाले आहे. या चित्रपटाचे बजेट १२० ते १५० कोटींच्या दरम्यान असून, येत्या काही दिवसात कलेक्शनचे आकडे आणखी वाढतील असा अंदाज आहे. चित्रपटात नाना पाटेकर, रणदीप हुडा, दिशा पटानी या कलाकारांच्या देखील विशेष भूमिका आहेत. ‘ओ रोमियो’ चे दिग्दर्शन आणि निर्मिती विशाल भारद्वाज यांनी केली आहे. हा चित्रपट अॅक्शन-थ्रिलर आणि रोमँटिक आहे. बॅाक्स अॅाफिस कलेक्शनच्या बाबतीत ‘ओ रोमियो’ चित्रपटाने २०२६ मध्ये आतापर्यंत प्रदर्शित झालेल्या ‘हॅपी पटेल’, ‘राहु केतू’, ‘वध २’, ‘भाभीजी घर पर हैं’ आणि ‘तू या मैं’ या चित्रपटांना मागे टाकले आहे. हेही वाचा : Salman Khurshid: “सरकारने पुरावे द्यावेत…” ; अमेरिका-भारत व्यापार करारावर काँग्रेसने उपस्थित केले प्रश्न
