Ghatak 2 : अभिनेता सनी देओलचा बॉर्डर २ सध्या चित्रपटगृहात धुमाकूळ घालत आहे. या देशभक्तीपर चित्रपटाने बॉक्स ऑफिसवर दमदार कामगिरी करत प्रेक्षकांची पसंती मिळवली आहे. आता ९० च्या दशकात प्रदर्शित झालेल्या सनी देओलचा कल्ट क्लासिक चित्रपट घातक चित्रपटाच्या सिक्वेलची चर्चा सुरू झाली आहे. गदर २ आणि आता बॉर्डर २ या चित्रपटांच्या यशामुळे प्रेक्षक अभिनेता सनी देओलला त्याच्या जुन्या अवतारात पाहण्यास खूप उत्सुक आहेत. यामुळे अनेक निर्माते त्याच्यासोबत त्याच्या आधीच्या हिट चित्रपटांच्या सिक्वल बनवण्यास इच्छुक आहेत. दामिनी आणि घातक यांसारखे दमदार चित्रपट बनवणारे चित्रपट निर्माते राजकुमार संतोषी यांचे नाव समोर आले आहे. त्यांना १९९६ च्या घातक चित्रपटाचा सिक्वल घातक २ बनवायचा आहे. राजकुमार संतोषी त्याच्यासोबत घातक २ बद्दल बोलले असून त्यांनी सिक्वल तयार करण्यात रस दाखवला आहे. सनीने राजकुमार यांना घातक २ ची कथा सांगण्यासाठी मनालीला बोलावले आहे. राजकुमारही मनालीला पोहोचे आहेत. त्यामुळे घातक २ तयार केला जाणार असल्याचे सांगितले जात आहे. तूर्तास यावर अधिकृत अशी कोणतीही माहिती समोर आलेली नाही. दामिनी, घातक आणि घायल नंतर राजकुमार संतोषी यांच्या दिग्दर्शनाखाली ‘लाहोर १९४७’ हा आणखी एक चित्रपट दिग्दर्शित करत आहेत. या चित्रपटाची निर्मिती अभिनेता आमिर खान करत आहे. असेही वृत्त आहे की सनीचा ‘जाट २’ हा चित्रपटही राजकुमार संतोषी दिग्दर्शित करणार आहेत. जर घातक २ प्रत्यक्षात बनवला गेला तर प्रेक्षकांना सनी देओलचे काशी त्रिवेदी हे पात्र पुन्हा एकदा मोठ्या पडद्यावर पाहायला मिळेल. हेही वाचा : defence budget : संरक्षण बजेटमध्ये १ लाख कोटी रुपयांची वाढ ; क्षेपणास्त्रे आणि लढाऊ विमाने वेगाने तयार होणार
