नवी दिल्ली – युरोपच्या धर्तीवर देशात प्रथमच आग विझवण्यासाठी रोबोटचा वापर केला जाणार आहे. दिल्ली अग्निशमन सेवेने आपल्या ताफ्यात रोबोट्सचा समावेश केला आहे, ज्याच्या मदतीने आता सर्वात गुंतागुंतीच्या टप्प्यात आगीवर नियंत्रण मिळवण्यास मदत होणार आहे. चांगली गोष्ट म्हणजे या रोबोट्समुळे आग विझवण्यासाठी कोणत्याही मानवी जीवाला धोका होण्यापासून वाचणार आहे. असे सांगितले जात आहे की, हे दोन रोबोट पहिल्यांदाच भारतात आणले गेले आहेत, ज्यांची किंमत 7 कोटी रुपये आहे. यामुळे राजधानी दिल्लीतील गजबजलेल्या आणि अरुंद रस्त्यावर आग विझवणे सोपे होणार आहे.

अरुंद गल्ली बोळांत जिथे अग्निशमन दलाला पोहोचणे अवघड होते, तिथे आता सहज पोहोचून आगीवर नियंत्रण मिळवण्यात रोबोट महत्त्वाची भूमिका बजावू शकतात. यापूर्वी अनेकवेळा भीषण आग आटोक्यात आणण्यात अग्निशमन दलाच्या जवानांना जीव गमवावा लागला होता. रोबोट्स ताफ्यात सामील झाल्यानंतर धोका कमी होईल.

Delhi Fire Service inducts remote control fire fighting machine to douse fire.

We've trained officials to operate it. It'll help in reducing casualties during firefighting operations;will also be beneficial in places where lanes are narrow:Atul Garg, Delhi Fire Director (01.04) pic.twitter.com/UUBOFj6DkS

— ANI (@ANI) April 2, 2022

दिल्ली अग्निशमन दलाने दिलेल्या माहितीनुसार, अग्निशमन विभागाने गर्दीच्या आणि अरुंद ठिकाणी आग विझवण्यासाठी रोबोटिक मशीन्सचा समावेश केला आहे. वास्तविक हे एक रिमोट ऑपरेटेड मशीन आहे ज्याचा वापर अरुंद गल्ल्या, गोदामे, तळघर, पायऱ्या, जंगलातील आग विझवण्यासाठी केला जाऊ शकतो. मानवी जोखीम असलेल्या सर्व भागांसह त्या ठिकाणी ते सहज पोहोचेल आणि आगीवर नियंत्रण मिळवण्यात अतिशय जलद यश मिळेल.

विशेष म्हणजे हे यंत्रमानव 60 ते 100 मीटर क्षेत्र व्यापण्यास सक्षम आहेत आणि ताशी 0 ते 5 किलोमीटर या वेगाने आगीवर पाणी फेकतात. त्याचबरोबर उच्च दाबाने दर मिनिटाला तीन हजार लिटर पाणीही सोडते. स्प्रे आणि सामान्य पाणी दोन्ही या रिमोटद्वारे काम करू शकतात. म्हणजेच ज्या ठिकाणी पाण्याने आग नियंत्रणात येत नाही, त्या ठिकाणी रोबोटच्या आतून बाहेर पडणारे रसायन आणि त्याचा फेस, अशा प्रकारची आग तात्काळ आटोक्यात आणली जाते. भारतात सध्या प्रथमच दोन रोबोट लाँच करण्यात आले आहेत. हे रिमोट कंट्रोलने अतिशय सहजतेने ऑपरेट केले जाते.