नवी दिल्ली : भारतात डिजिटलायझेशन झपाट्याने वाढत आहे. डिजिटल पेमेंटसाठी सध्या वेगवेगळे प्लॅटफॉर्म उपलब्ध आहेत. तुम्ही आधार कार्डद्वारे व्यवहारही करू शकता. आधार आधारित पेमेंट प्रणाली आधार बायोमेट्रिक प्रणालीचा वापर करते, जी युपीआय (UPI) प्लॅटफॉर्मवर आधारित आहे.

आधार आधारित पेमेंट सिस्टम (AePS) ही NPCI द्वारे विकसित केलेली डिजिटल पेमेंट प्रणाली आहे, ज्याला बँक आधारित मॉडेल देखील म्हणता येईल. ही प्रणाली कियॉस्क, मोबाइल डिव्हाइस आणि एटीएमद्वारे पैशांच्या व्यवहारांना परवानगी देते. हे फक्त अशा वापरकर्त्यांद्वारे वापरले जाऊ शकते, ज्यांचे बँक खाते आधार आधारित पेमेंट सिस्टमशी जोडलेले आहे. हे प्रमाणीकरण गेटवे सक्षम करून, तुम्ही त्याच्याशी संबंधित विविध सुविधांचा लाभ घेऊ शकता.

या पेमेंट सिस्टममध्ये पैसे काढणे आणि जमा करणे, बॅलेन्स चौकशी, आधार ते आधार हस्तांतरण, डोअरस्टेप बँकिंग आणि इतर अनेक सेवा उपलब्ध आहेत. याशिवाय बँकेत न जाता आणि पासवर्ड/पिनशिवाय व्यवहार करण्याची सुविधाही उपलब्ध आहे. पेमेंट अयशस्वी झाल्यास, वापरकर्ते बँकेत जाऊन तक्रार देखील करू शकतात. यासाठी आधार कार्ड आणि बँक खाते एकमेकांशी लिंक करणे बंधनकारक आहे. वैध आधार क्रमांकाशिवाय या पेमेंट सिस्टमचा लाभ घेता येत नाही.

* या प्रणालीसाठी पुढील सोप्या स्टेप्स वापरा.
– कोणत्याही जवळच्या बँकेच्या शाखेला भेट द्या आणि तिथल्या बँकिंग एक्झिक्युटिव्हला भेटा.
– आता तुमचा 12 अंकी आधार क्रमांक POS मशीनमध्ये टाका.
– आता AePS व्यवहाराचा कोणताही पर्याय (रोख पैसे काढणे / निधी हस्तांतरण / शिल्लक चौकशी) निवडा.
– आता बँकेचे नाव निवडा.
– आता तुम्हाला काढायची किंवा जमा करायची असलेली रक्कम टाका.
– आता AePS व्यवहारांच्या प्रमाणीकरणासाठी बायोमेट्रिक्स स्कॅन करा.
– व्यवहार पूर्ण झाल्यावर तुम्हाला एक पावती मिळेल.