King poster : बॉलिवूडचा किंग खान अर्थात शाहरुख खान याच्या आगामी ‘किंग’ या चित्रपटाची प्रेक्षक आतुरतेने वाट पाहत आहेत. अशातच निर्मात्यांनी चित्रपटाचे नवे पोस्टर प्रदर्शित केले असून, त्यामुळे चाहत्यांमधील उत्सुकता आणखी वाढली आहे. या पोस्टरमध्ये शाहरुख खानचा हटके, रोमँटिक आणि स्टायलिश अंदाज पाहायला मिळत आहे.

ओठांत गुलाब, डोळ्यांत आग; शाहरुखचा नवा लूक चर्चेत!

‘किंग’च्या नव्या पोस्टरमध्ये शाहरुख खान ओठांमध्ये गुलाब धरून दिसत आहे. त्याच्या नजरेतील तीव्रता आणि चेहऱ्यावरील आत्मविश्वास यामुळे त्याचा हा लूक विशेष लक्ष वेधून घेत आहे. या पोस्टरमधून चित्रपटात शाहरुखचा केवळ अॅक्शन अवतारच नव्हे, तर प्रेम, उत्कटता आणि भावनांच्या विविध छटाही पाहायला मिळण्याची शक्यता आहे. पोस्टर समोर आल्यानंतर सोशल मीडियावर चित्रपटाची चर्चा रंगू लागली आहे.

 

View this post on Instagram

 

A post shared by Viral Bhayani (@viralbhayani)

‘पठाण’नंतर सिद्धार्थ आनंदसोबत पुन्हा जमणार जोडी

‘किंग’ या चित्रपटाचे दिग्दर्शन सिद्धार्थ आनंद करत आहेत. याआधी शाहरुख खान आणि सिद्धार्थ आनंद यांनी ‘पठाण’ या ब्लॉकबस्टर चित्रपटासाठी एकत्र काम केले होते. या चित्रपटाला प्रेक्षकांचा मोठा प्रतिसाद मिळाला होता. या चित्रपटाची निर्मिती रेड चिलीज एंटरटेनमेंट आणि मार्फ्लिक्स पिक्चर्स यांच्या माध्यमातून केली जात आहे.

२४ डिसेंबरला ‘किंग’ येणार प्रेक्षकांच्या भेटीला

मिळालेल्या माहितीनुसार, ‘किंग’ हा चित्रपट २४ डिसेंबर २०२६ रोजी देशभरातील चित्रपटगृहांमध्ये प्रदर्शित होणार आहे. ख्रिसमसच्या मुहूर्तावर शाहरुख खानचा नवा अवतार प्रेक्षकांना पाहायला मिळणार असल्याने चित्रपटाकडून मोठ्या अपेक्षा आहेत. पोस्टर समोर आल्यानंतर आता चाहत्यांचे लक्ष चित्रपटाच्या टीझर, ट्रेलर लागले आहे.

या चित्रपटाचे बजेट देखील मोठे असल्याचे सांगितले जात आहे. शाहरुख खानसोबत चित्रपटात त्याची मुलगी सुहाना खान महत्वाच्या भूमिकेत झळकणार आहे. याशिवाय अभिषेक बच्चन, दीपिका पदुकोण, अनिल कपूर, जॅकी श्रॉफ आणि जयदीप अहलावत हे कलाकार देखील लक्षवेधक भूमिकेत पाहायला मिळणार आहेत.

World Occupational Therapy Day 2026: मुलांपासून ज्येष्ठांपर्यंत सर्वांसाठी उपयुक्त! ऑक्युपेशनल थेरपी म्हणजे काय? दैनंदिन कामांत बनवते आत्मनिर्भर