राजभवनामधून नियमांचा भंग होणे अपेक्षित नाही – नवाब मलिक
Updated On:
मुंबई – राज्यपाल भगतसिंह कोश्यारी यांनी महोदयांनी आपल्या खासगी सचिवपदी निवृत्त अधिकारी उल्हास मुणगेकर यांची नियुक्ती केली आहे. यावर राष्ट्रवादी काँग्रेस पक्षाचे राष्ट्रीय प्रवक्ते नवाब मलिक यांनी आपले विचार मांडले. निवृत्त व्यक्तीला नियमित पदासाठी नियुक्त करता येत नाही. या नियुक्तीसाठी राजभवनातूनच आदेश निर्गमित झाले आहेत. राजभवनामधून नियमांचा भंग होणे अपेक्षित नाही, असे सांगत एका निवृत्त अधिकाऱ्याची पुन्हा नियुक्ती करण्याचा मोह कशासाठी असा सवाल नवाब मलिक यांनी उपस्थित केला आहे.
मलिक पुढे म्हणाले की, राज्यपाल महोदय ज्याप्रमाणे 12 आमदारांचा विषय, विद्यापीठ कायदा विषय अशा सर्व गोष्टींवर कायदेशीर सल्ला घेत असतात त्याच रीतीने या नियुक्तीबद्दलही कायदेशीर सल्ला घेतला पाहिजे, अशी बेकायदेशीर नियुक्ती योग्य नाही असेही मलिक म्हणाले.
