खुशखबर ! आता खातेधारकांना शून्य बॅलन्सवरही कोणतेही शुल्क लागणार नाही ; ‘या’ बँकेचा मोठा निर्णय
No Penalty For Low Balance । आतापर्यंत कोणत्याही बँकेत नियम असा होता की जर तुम्ही एका महिन्यात विशिष्ट रक्कम राखली नाही तर तुम्हाला त्यासाठी शुल्क भरावे लागते. पण आता सरकारी क्षेत्रातील एका बँकेकडून या संदर्भात मोठा दिलासा मिळणार आहे. आता बँकेत किमान शिल्लक ठेवली नाही तरी तुम्हाला कोणतेही शुल्क भरावे लागणार नाही. कॅनरा बँकेने जाहीर केले आहे की आता बचत खात्यात किमान शिल्लक ठेवण्याचा नियम पूर्ण करण्याची आवश्यकता नाही.
किमान शिल्लक नियम संपुष्ठात No Penalty For Low Balance ।
कॅनरा बँकेने आपल्या निवेदनात, “बँक ग्राहकांना त्यांच्या खात्यांमध्ये किमान शिल्लक न ठेवल्याबद्दल आता शुल्क आकारले जाणार नाही, ज्यामध्ये बचत खाती, एनआरआय बचत खाती आणि पगार खाती यांचा समावेश आहे”.असे म्हटले. बँकेने निवेदनात म्हटले आहे की, ते १ जून २०२५ पासून लागू करण्यात आले आहे. पूर्वी, जर खात्यात एका महिन्यात विशिष्ट किमान शिल्लक ठेवली गेली नाही तर बँक शुल्क आकारत असे.
कॅनरा बँकेने सध्या हा नियम सुरू केला आहे आणि बँकेच्या या उपक्रमानंतर लोकांना दिलासा मिळेल अशी अपेक्षा आहे कारण बरेच लोक किमान शिल्लक अटी पूर्ण करू शकत नाहीत, ज्यामुळे त्यांना दरमहा शुल्क भरावे लागते.
वेगवेगळ्या बँकांचे वेगवेगळे शुल्क No Penalty For Low Balance ।
सध्या प्रत्येक बँकेचे शहरी, निमशहरी किंवा ग्रामीण भागातील ग्राहकांसाठी किमान शिल्लक रकमेचे वेगवेगळे नियम आहेत. याबाबत बँकेकडून वेळोवेळी बदल केले जातात. म्हणून, ज्या बँकेत तुमचे खाते आहे त्या बँकेचे नियम आणि कायदे तुम्हाला नियमितपणे माहित असणे महत्वाचे आहे. जर तुम्ही किमान शिल्लक ठेवली नाही तर काही बँका तुम्हाला चेक बुक किंवा नेट बँकिंगसारख्या सुविधांपासून वंचित ठेवू शकतात.
