नवी दिल्ली – उत्तर प्रदेशचे मुख्यमंत्री योगी आदित्यनाथ दोन दिवसांच्या वाराणसी दौऱ्यावर आहेत. गुरुवारी झालेल्या चेन स्नॅचिंगच्या घटनांची गांभीर्याने दखल घेत मुख्यमंत्री म्हणाले, या छोट्या घटना मोठ्या होतात. पोलिसांनी हद्दीत नियमित गस्त घालायला हवी. वाहनांवर जातीसूचक फलक लावून कोणालाही वाहन चालवू देऊ नये. यावर प्रभावीपणे बंदी घातली पाहिजे. कार किंवा बाइकवर ब्राह्मण, जाट, राजपूत, गुर्जर असे लिहिणाऱ्यांची आता गय केली जाणार नाही. जातीवाचक उल्लेखातून समाजात फूट पडत असते.

लाभदायक योजनांचा लाभ पात्र लाभार्थ्यांना प्रत्येक बाबतीत प्राधान्याने उपलब्ध करून द्यावा. दर्जेदार विकास आणि बांधकामे युद्धपातळीवर प्रचार करून विहित मुदतीत कामे पूर्ण करावीत, असेही मुख्यमंत्री म्हणाले.

वाय-20 च्या उद्घाटन समारंभाला उपस्थित राहण्यासाठी वाराणसीच्या दोन दिवसीय दौऱ्यावर पोहोचलेले मुख्यमंत्री योगी आदित्यनाथ यांनी सर्किट हाऊस येथे विकास कामे आणि कायदा व सुव्यवस्थेची आढावा बैठक घेतली.