Nirmala Sitharaman Saree ।  देशाचा प्रत्येक अर्थसंकल्प हा खास असतो कारण  त्यातून देशाची प्रगती आणि विकास वेगवान होतो. यंदाचा अर्थसंकल्प देखील तसाच खास आहे. अर्थमंत्री निर्मला सीतारमण या सलग आठव्यांदा देशाचा पूर्ण अर्थसंकल्प सादर करत आहेत. हा त्यांच्या नावावर असणारा एक विक्रम आहे. मात्र दरवर्षीप्रमाणे यावर्षी देखील त्यांच्या साडीची विशेष चर्चा होताना दिसून येत आहे. यावर्षी अर्थमंत्री निर्मला सीतारमण यांनी अर्थसंकल्प सादर करताना सीमांवर सोनेरी काम असलेली पांढरी साडी परिधान केली.

दरम्यान , निर्मला सीतारामण यांनी आज पर्यंत नेसलेल्या साड्या या विशिष्ट संकेतांशी जोडलेल्या आहेत . खरंतर, त्यांच्या साड्यांकडे लक्षपूर्वक पहिले तर अर्थमंत्र्यांनी परिधान केलेल्या साड्या वेगवेगळ्या रंगांशी आणि राज्यांशी संबंधित होत्या. जसे की,यंदा नेसलेली साडी ही बिहारशी संबंधित असल्याचे म्हटले जात आहे.

दरम्यान, आजपर्यंत अर्थमंत्री निर्मला सीतारमण यांनी परिधान केलेल्या साड्यादेखील काही तरी संदेश देत आल्या आहेत. याच संदेशाविषयी जाणून घेऊ…

२०२५ च्या अर्थसंकल्पासाठी गोल्डन वर्कची पांढरी साडी

यंदाच्या अर्थमंत्र्यांनी ही साडी लाल ब्लाउज आणि शालसोबत नेसली. ही साडी पद्मश्री पुरस्कार विजेत्या दुलारी देवी यांनी अर्थमंत्र्यांना भेट दिली. त्यांनी अर्थसंकल्पाच्या दिवशी सीतारमण यांना ही साडी नेसण्याची विनंती केली होती. दुलारी देवींची ही विनंती निर्मला सीतारमण यांनी नम्रतेने स्वीकारली, यावरून अर्थमंत्र्यांचे हातमागावरील प्रेम दिसून येते. दुलारी देवी मिथिला कलांसाठी ओळखल्या जातात. २०२१ मध्ये, त्यांना कलांमधील योगदानाबद्दल भारत सरकारने पद्मश्री पुरस्काराने सन्मानित केले.

२०२४-२०२५ च्या अर्थसंकल्पात मंगलागिरी साडी नेसली होती Nirmala Sitharaman Saree । 
अर्थमंत्री निर्मला सीतारमण यांनी २०२४-२५ चा संपूर्ण अर्थसंकल्प सादर करताना आंध्र प्रदेशची मॅजेन्टा बॉर्डर असलेली ऑफ-व्हाइट मंगलागिरी साडी परिधान केली. म्हणून अर्थसंकल्पात आंध्र प्रदेशसाठी विशेष आर्थिक मदतीची घोषणाही करण्यात आली. म्हणून, असे म्हणता येईल की या राज्याशी संबंधित साडी निवडली गेली.

२०२४ च्या अंतरिम अर्थसंकल्पादरम्यान कांथा सिल्क 
फेब्रुवारी २०२४ मध्ये, त्यांनी २०२४ चा अंतरिम अर्थसंकल्प सादर करताना निळ्या रंगाची साडी परिधान केली होती. ही साडी बंगालच्या कांथा रेशमी कापडापासून बनवली होती आणि अर्थसंकल्पातही त्यांनी येथील मत्स्यव्यवसाय क्षेत्रासाठी विशेष घोषणा केल्या होत्या ज्याला ब्लू इकॉनॉमी म्हणतात.

२०२३ च्या बजेटमध्ये इल्कल सिल्क  Nirmala Sitharaman Saree । 
२०२३ मध्ये त्या निओ टेम्पल बॉर्डरची लाल रंगाची इल्कल सिल्क साडी घातली होती. ही साडी कर्नाटक धारवाड प्रदेशाशी संबंधित आहे आणि त्या वर्षी त्यांनी कर्नाटकसाठी काही खास घोषणा केल्या होत्या.

२०२२ च्या बजेटमध्ये नेसलेली बोमकाई साडी पोचमपल्ली साडी
२०२२ मध्ये अर्थसंकल्प सादर करताना सीतारमण यांनी तपकिरी बोमकाई साडी परिधान केली होती. ही साडी ओडिशाच्या गंजम जिल्ह्यातील एक हातमाग कलाकृती आहे. या वर्षी या ठिकाणासाठी अर्थसंकल्पात काही विशेष घोषणा करण्यात आल्या.

Union Finance Minister Nirmala Sitharaman and MoS Finance Pankaj Chaudhary meet President Droupadi Murmu at Rashtrapati Bhavan. The #UnionBudget2025 will be presented at the Parliament today. pic.twitter.com/yhU0UCM1v3

— ANI (@ANI) February 1, 2025

२०२१ च्या बजेटमध्ये पोचमपल्ली साडी परिधान 
२०२१ मध्ये तिने हैदराबादमधील पोचमपल्ली गावातील ऑफ-व्हाइट पोचमपल्ली साडी नेसली होती. जी तिच्या अनोख्या नमुन्यांसाठी ओळखली जाते. या वर्षीच्या अर्थसंकल्पात या राज्यासाठी काही उपयुक्त घोषणा करण्यात आल्या.

२०२० च्या बजेटमध्ये पिवळी सिल्क साडी
२०२० मध्ये, तिने अर्थसंकल्प सादर करण्यासाठी पिवळ्या रेशमी साडी नेसली होती. पिवळा रंग हा भारताच्या समृद्धीचे प्रतीक मानला जातो आणि त्यांच्या साडीकडे भारताच्या समृद्ध संस्कृतीचे आणि समृद्धीचे प्रतीक म्हणून पाहिले गेले. त्या वर्षीचा अर्थसंकल्प देशाच्या समृद्ध संस्कृती आणि समृद्धीशी जोडलेला होता.

२०१९ च्या बजेटमध्ये गुलाबी मंगलगिरी साडी
२०१९ मध्ये, सीतारमण सोनेरी बॉर्डर असलेली गुलाबी मंगलगिरी साडी परिधान करताना दिसल्या. या काळात, त्यांनी प्रत्येक राज्य आणि प्रत्येक प्रदेशातील हातमाग आणि भरतकामाला प्रोत्साहन देताना देशासाठी मोठ्या घोषणा केल्या.