नेवासा : देशाचे सरन्यायाधीश भूषण गवई यांच्यावर बूट फेकणाऱ्या माथेफिरू वकील राकेश किशोर याच्यावर कठोर कारवाईची मागणी करत रिपब्लिकन पार्टी ऑफ इंडिया (रिपाई) आणि दलित चळवळीतील विविध संघटनांनी गुरुवारी (दि. ९ ऑक्टोबर २०२५) दुपारी १२ वाजता नेवासे येथे भव्य निषेध मोर्चा काढला. नेवासे बसस्थानकापासून सुरू झालेला हा मोर्चा शांततेच्या मार्गाने पोलीस ठाण्यापर्यंत नेण्यात आला. यावेळी भीमसैनिकांनी जोरदार घोषणाबाजी करत राकेश किशोर याच्या प्रतिमेला चप्पल आणि बुटाने तुडवून घटनेचा तीव्र निषेध व्यक्त केला. मोर्चाचे निषेध सभेत रूपांतर पोलीस ठाण्यावर पोहोचल्यानंतर मोर्चाचे निषेध सभेत रूपांतर झाले. यावेळी दलित चळवळीचे युवा नेते ॲड. संजय सुखधान यांनी आपल्या परखड भाषणात भारतीय राज्यघटनेचे शिल्पकार डॉ. बाबासाहेब आंबेडकर यांच्या ‘शिका, संघटित व्हा आणि संघर्ष करा’ या मूलमंत्राचा उल्लेख केला. ते म्हणाले, “आमचा समाज शिकून सर्वोच्च पदापर्यंत पोहोचला आहे. पण जर देशाच्या सरन्यायाधीशांवरच हल्ला होत असेल, तर सर्वसामान्य दलित माणूस कसा सुरक्षित राहील?” स्वसंरक्षणासाठी शस्त्र हाती घ्यावे लागतील, असा इशारा देत त्यांनी या भ्याड हल्ल्याचा तीव्र शब्दांत निषेध केला. प्रमुख नेत्यांची उपस्थिती आणि भाषणे मोर्चात रिपाईचे तालुकाध्यक्ष सुशील धायजे, नेवासे शहराध्यक्ष पप्पूभाऊ इंगळे, वंचित बहुजन आघाडीचे तालुकाध्यक्ष पोपटराव सरोदे, रिपाई संपर्कप्रमुख विजय राजगुरू, घटनापती ग्रुपचे रवी भालेराव, नेवासे तालुका युवकाध्यक्ष संतोष कासोदे, रिपाईच्या महिला गवई गटाच्या शहराध्यक्षा ज्योती पवार, सारिका साळवे, सोनाली पवार, माजी पंचायत समिती सभापती पावलस गोर्डे, माजी जिल्हा परिषद सदस्य दिलीप सरोदे, डॉ. गणेश डांगे, पप्पू कांबळे, विजय (अंकल) गायकवाड, पास्टर सुर्या गजभीव, अॅड. राजेंद्र पंडित आणि ज्येष्ठ नेते प्रभाकर खंडागळे यांच्यासह अनेक मान्यवर उपस्थित होते. यावेळी सुशील धायजे, पप्पूभाऊ इंगळे, पोपट सरोदे, पावलस गोर्डे, दिलीप सरोदे, ज्योती पवार, प्रभाकर खंडागळे यांनीही समयोचित भाषणे करत घटनेचा निषेध व्यक्त केला. निवेदन सादर आणि मोर्चाची सांगता मोर्चात किशोर बोर्गे, मेजर अशोकराव काळे, अमोल घुले, संतोष मकासरे, स्वप्नील सोनकांबळे, सागर हिवाळे, अशोक राजगुरू, देविदास राजगुरू, भाऊसाहेब जगदाळे, भास्करराव लिहीणार, योगेश गायकवाड, प्रवीण सरोदे, सुभाष इंगळे, माऊली गोरे आणि पत्रकार राजेंद्र वाघमारे यांच्यासह मोठ्या संख्येने भीमसैनिक आणि दलित चळवळीतील कार्यकर्ते सहभागी झाले. मोर्चाचे प्रास्ताविक दयानंद खिलारी यांनी केले. यावेळी नेवासे पोलीस ठाण्याचे पोलीस निरीक्षक महेश पाटील आणि तहसीलदार यांना निषेधाचे निवेदन सादर करण्यात आले. निषेधाचा जोरदार इशारा मोर्चेकरांनी राकेश किशोर याच्या प्रतिमेला चप्पल आणि बुटाने तुडवत या भ्याड कृत्याचा तीव्र निषेध नोंदवला. या घटनेने दलित समाजात तीव्र संताप व्यक्त होत असून, अशा कृत्यांना आळा घालण्यासाठी कठोर कायदेशीर कारवाईची मागणी जोर धरत आहे.
