नेवासा : उभ्या आयुष्याच्या राजकारणाच्या वाटचालीत अनेक वेळेस यश – अपयश पाहिलेले असतानाही उत्तम संघटन आणि कौशल्याच्या जोरावर ज्यांनी राजकारणात एक आदर्श निर्माण करुन समाजात आपली एक वेगळी ओळख निर्माण केली. असे हरहुन्नेरी राजबिंडा व्यक्तीमत्व असलेले नेवासा पंचायत समितीचे माजी सभापती भाऊसाहेब पटारे यांच्या जीवनावरील आत्मचरिञ “वळून पाहतांना” या पुस्तक प्रकाशन सोहळ्याच्या निमित्ताने जुन्या जेष्ठ कार्यकर्त्यांच्या आठवणींना खऱ्या अर्थाने उजाळा मिळाल्याचे गौरोद्गार राज्याचे जलसंपदा मंञी तथा जिल्ह्याचे पालकमंञी राधाकृष्ण विखे – पाटील यांनी काढले. ते नेवासा फाटा येथील ञिमुर्ती पावन प्रतिष्ठाण शैक्षणिक संकुलात झालेल्या लेखक गणेश निकम लिखीत पुस्तक प्रकाशन सोहळ्यात बोलत होते.

या कार्यक्रमास श्रीक्षेञ देवगड देवस्थानचे गुरुवर्य ह.भ.प.भास्करगिरी महाराज,आमदार विठ्ठलराव लंघे – पाटील,माजी आमदार डॉ.नरेंद्र पाटील घुले,पंचगंगा उद्योग समुहाचे अध्यक्ष प्रभाकर शिंदे,गंगापूरचे माजी आमदार अण्णा पाटील माने,माजी आमदार बाळासाहेब मुरकुटे,नेवासा पंचायत समितीच्या माजी सभापती सौ. सुनिताताई गडाख,कुंडलिकराव माने,माजी आमदार पांडुरंग अभंग,प्रा.शिरिष लांडगे,मुळा कारखान्याचे चेअरमन नानासाहेब तुवर,प्रसिद्ध गितकार बाबासाहेब सौदागर,चंद्रकांत ढवळपुरीकर तमाशा मंडळाचे वगसम्राट मास्टर किरणकुमार ढवळपुरीकर उ[उपस्थित होते.

तसेच मुळा कारखान्याचे चेअरमन नानासाहेब तुवर,नाशिक जलसंपदा विभागाचे कार्यकारी अभियंता प्रकाश मिसाळ,भाजपाचे नेते सचिन देसरडा,ऋषिकेश शेटे,श्रीराम साधना आश्रमाचे महंत सुनिलगिरी महाराज,ञिवेणीश्वर देवस्थानचे महंत रमेशानंदगिरी महाराज,महंत अवेराज महाराज आराध्य,ऋषिनाथ महाराज सत्कारमुर्ती भाऊसाहेब पटारे,लेखक गणेश निकम,रावसाहेब पटारे,जनार्धन पटारे,अभिषेक पटारे, ज्ञानेश्वर कारखान्याचे उपाध्यक्ष अॅड.देसाई आबा देशमुख,राजू पटारे,संदिप पटारे,बाबा पटारे ञिमुर्ती शैक्षणिक संकुलाचे संस्थापक साहेबराव घाडगेपाटील,अध्यक्षा सौ.सुमतीताई घाडगेपाटील यांच्यासह सामाजिक – धार्मिक – शैक्षणिक क्षेञासह विविध राजकीय क्षेञातील मान्यवरांच्या मांदियाळीत झालेल्या कार्यक्रमात विखे बोलत होते.

यावेळी बोलतांना ना.विखे – पाटील म्हणाले की, भाऊसाहेब पटारे यांनी ९३ वर्ष वयाचा पल्ला गाठलेला असून गेल्या ४०-५० वर्षाच्या राजकारणात त्यांनी मैञी – बंधूभाव आणि पितृतुल्य भावनेतून केलेल्या राजकारणाच्या कामातून एक वेगळा ठसा उमटविलेला आहे. नगर जिल्हा हा कार्यकर्त्यांची खाण असून प्रत्येक तालुक्यात राजकारण आणि पक्ष न पहाता या नेत्यांनी खऱ्या अर्थाने विकास कामास मोठी चालना दिली असल्याचेही यावेळी विखे-पाटील यांनी यावेळी बोलतांना सांगितले.

माजी सभापती भाऊसाहेब पटारे यांच्या जीवनावरील आत्मचरिञ “वळून पाहतांना” या पुस्तक प्रकाशन सोहळ्याच्या निमित्ताने आज मी, जो या कार्यक्रमास उपस्थित आहे तो मंञी म्हणून नाहीतर एक त्यांच्या कुटूंबातील घटक म्हणून उपस्थित असल्याचे विखे – पाटील यांनी सांगून पटारे – विखे या कुटूंबातील आपुलकीचे नाते वृद्धिंगत केल्याचे यावेळी दिसून आले.