नेवासा : महाराष्ट्र विधान परिषदेचे सभापती प्रा. राम शिंदे यांचा भेंडा (ता. नेवासा) येथे ज्ञानेश्वर उद्योग समूह आणि अशोकराव मिसाळ परिवारातर्फे सत्कार करण्यात आला. सभापतीपदी निवड झाल्यानंतर प्रा. शिंदे यांनी प्रथमच भेंडा येथील आपले साडूभाऊ किशोर मिसाळ आणि मेहुणी तसेच भेंडा ग्रामपंचायतीच्या सरपंच सौ. सुहासिनी मिसाळ यांच्या घरी भेट दिली. यावेळी आयोजित सत्कार समारंभ आणि स्नेहभोजनाच्या कार्यक्रमास ते सपत्नीक उपस्थित होते. लोकनेते मारुतराव घुले पाटील ज्ञानेश्वर सहकारी साखर कारखान्यातर्फे संचालक माजी आमदार चंद्रशेखर घुले पाटील, उपाध्यक्ष माजी आमदार पांडुरंग अभंग आणि तज्ञ संचालक डॉ. क्षितिज घुले पाटील यांनी, तर मिसाळ परिवारातर्फे अशोकराव मिसाळ, तुकाराम मिसाळ, किशोर मिसाळ, बाळासाहेब मिसाळ आणि श्रीधर मिसाळ यांनी प्रा. शिंदे यांचा सत्कार केला. याशिवाय, राज्य साखर कामगार फेडरेशन, भेंडा बुद्रुक ग्रामपंचायत आणि विविध संस्था-संघटनांनीही त्यांचा सन्मान केला. या समारंभाला नेवास्याचे आमदार विठ्ठलराव लंघे, माजी आमदार बाळासाहेब मुरकुटे, नागेबाबा मल्टीस्टेटचे अध्यक्ष कडुभाऊ काळे, भाजपा नेते सचिन देसरडा, काशीनाथ नवले पाटील, दादासाहेब गंडाळ, उद्योजक बापूसाहेब नजन, लक्ष्मण बनसोडे, रामेश्वर साखर कारखान्याचे कार्यकारी संचालक एकनाथ कोलते, साखर कामगार संघटनेचे राज्य संपर्कप्रमुख सुखदेव फुलारी, संभाजीराव माळवदे, अप्पासाहेब शिंदे, अण्णासाहेब गव्हाणे, दादासाहेब गजरे, कादर सय्यद, संजय मिसाळ, अंबादास गोंडे, भाऊसाहेब फुलारी, रामचंद्र गंगावणे, यडूभाऊ सोनवणे, अण्णासाहेब नजन, राजेंद्र तागड, डॉ. लहानू मिसाळ, तहसीलदार डॉ. संजय बिरादार, पोलीस निरीक्षक धनंजय जाधव यांच्यासह अनेक मान्यवर उपस्थित होते.
