New rto rules – सध्या सर्वच माध्यमांवर पुण्यातील अपघाताची चर्चा होत आहे. याप्रकरणात अल्पवयीन मुलाने चालविलेल्या कारने दोघांना धडक दिली. या अपघातात दोघांना आपला जीव गमवावा लागला आहे. कार चालवणाऱ्या अल्पवयीनाचे वय 17 वर्षे 8 महिने आहे. आता याप्रकरणी अल्पवयीन मुलाच्या वडिलांवर कारवाई करण्यात आली आहे. अपघातप्रकरणी अल्पवयीन मुलाच्या वडिलांना अटक करण्यात आली आहे. विशेष म्हणजे 1 जून 2024 पासून नवीन RTO नियम लागू होणार आहेत. अशा परिस्थितीत वडिलांना किती दंड ठोठावला जाऊ शकतो किंवा किती शिक्षा होऊ शकते? हे जाणून घेऊया.

नव्या नियमात 25 हजार रुपये दंड आणि तुरुंगवास –

प्रादेशिक परिवहन कार्यालय (RTO) 1 जून 2024 पासून नवीन नियम जारी करणार आहे. नव्या नियमांतर्गत अनेक गोष्टींच्या पावत्याही वाढणार आहेत. नवीन नियमानुसार, आता अल्पवयीन (18 वर्षांखालील स्वार) गाडी चालवताना पकडले गेल्यास त्याच्या वडिलांना किंवा नातेवाईकांना 25 हजार रुपयांपर्यंतचे चलन ठोठावले जाऊ शकते.

ही महत्वाची बातमी वाचा –

ड्रायव्हिंग लायसन्ससाठी आता RTOमध्ये चाचणी देण्याची गरज नाही: 1 जूनपासून काय बदल होणार जाणून घ्या –

एवढेच नाही तर अल्पवयीन मुलाच्या वडिलांना 25 हजार रुपयांपर्यंतच्या चलनासह तुरुंगातही पाठवले जाऊ शकते. नवीन नियमांनुसार, अल्पवयीन व्यक्तीने कार चालविल्यास दंड होईल, परंतु जर त्याने अपघात केला तर वडिलांना तुरुंगवास होऊ शकतो. किंवा परिस्थितीनुसार, चलन आणि जेल दोन्ही लागू केले जाऊ शकतात.

पुणे अपघात प्रकरणातून सीख –

पुणे अपघात प्रकरणी, पुणे पोलिसांनी अल्पवयीन व्यक्तीविरुद्ध आयपीसी कलम 304 आणि मोटार वाहन कायद्याच्या इतर कलमांखाली एफआयआर नोंदवला आहे. पोलिसांनी अल्पवयीन मुलाच्या वडिलांविरोधात बाल न्याय कायद्याच्या कलम 75 आणि 77 अंतर्गत तक्रार नोंदवली आहे. पुण्यातील कल्याणीनगर भागात 19 मे 2024 रोजी रात्री उशिरा मद्यधुंद अवस्थेत एका अल्पवयीन मुलाने दोन आयटी अभियंत्यांना पोर्श कारने धडक दिली, त्यात दोघांचा मृत्यू झाला.