GST collection: वस्तू आणि सेवा कर (GST) संकलनाने आतापर्यंतचे सर्व विक्रम मोडीत काढले असून, एप्रिल २०२६ मध्ये एकूण ₹२.४३ लाख कोटी महसूल जमा झाला आहे. गेल्या वर्षीच्या एप्रिल महिन्यातील ₹२.२३ लाख कोटींच्या तुलनेत यात ८.७ टक्क्यांची जोरदार वाढ नोंदवण्यात आली आहे. (GST collection) आयात शुल्कात मोठी झेप – (GST collection) शुक्रवारी जाहीर करण्यात आलेल्या सरकारी आकडेवारीनुसार, देशांतर्गत व्यवहारांतून मिळणाऱ्या महसुलात ४.३ टक्क्यांची वाढ होऊन तो ₹१.८५ लाख कोटींवर पोहोचला आहे. विशेष म्हणजे, आयातीतून मिळणाऱ्या जीएसटी संकलनात २५.८ टक्क्यांची मोठी वाढ झाली असून, हा आकडा ₹५७,५८० कोटींवर गेला आहे. परतावा (Refunds) दिल्यानंतरचा विचार करता, निव्वळ (Net) जीएसटी संकलन ७.३ टक्क्यांच्या वाढीसह ₹२.११ लाख कोटी राहिले आहे. जीएसटी २.० आणि कररचनेतील बदल – सप्टेंबर २०२५ पासून देशात ‘जीएसटी २.०’ लागू करण्यात आले आहे. या सुधारित रचनेअंतर्गत ३७५ वस्तूंच्या करात कपात करण्यात आली होती. पूर्वीचे ५, १२, १८ आणि २८ टक्के असे चार टप्पे रद्द करून आता प्रामुख्याने ५ आणि १८ टक्के असे दोनच मुख्य स्लॅब ठेवण्यात आले आहेत. मात्र, चैनीच्या वस्तू आणि तंबाखूजन्य पदार्थांसाठी ४० टक्क्यांचा सर्वोच्च स्लॅब कायम आहे. (GST collection) महत्त्वाची आकडेवारी एका नजरेत – घटक एप्रिल २०२६ (₹ कोटी) वाढ (टक्केवारी) एकूण (Gross) GST ₹२,४३,०००+ ८.७% देशांतर्गत व्यवहार ₹१,८५,०००+ ४.३% आयात (Import) ₹५७,५८० २५.८% परतावा (Refunds) ₹३१,७९३ १९.३% निव्वळ (Net) GST ₹२,११,००० ७.३%
