Indriya Brand: आदित्य बिर्ला ज्वेलरीचा ‘इंद्रिया’ हा ब्रँड पुण्यात आपले नवे स्टोअर सुरू करून शहरातील उपस्थिती अधिक मजबूत करत आहे. विमाननगर येथील फिनिक्स मार्केटसिटीमध्ये सुरू झालेले हे स्टोअर पुण्यातील ब्रँडचे चौथे स्टोअर असून, महाराष्ट्रातील विस्तारालाही यामुळे गती मिळाली आहे. पूर्व पुण्यातील प्रमुख रिटेल व लाइफस्टाइल केंद्र म्हणून ओळखल्या जाणाऱ्या फिनिक्स मार्केटसिटीमधील या स्टोअरमुळे ‘इंद्रिया’ ब्रँड शहरी व सुजाण ग्राहकांच्या अधिक जवळ पोहोचणार आहे. आधुनिक आणि आकर्षक खरेदीचा अनुभव देण्यासाठी स्टोअरचे विशेष डिझाइन करण्यात आले असून, त्यातून ब्रँडचे डिझाइन-केंद्रित दृष्टिकोन, वैयक्तिक सेवा आणि आधुनिक लक्झरीवर दिलेले लक्ष दिसून येते. या स्टोअरमध्ये ३२ हजारांहून अधिक दागिन्यांचे डिझाइन्स उपलब्ध आहेत. यात वधू-अलंकार, सण-उत्सवांसाठीचे दागिने, तसेच दैनंदिन वापरासाठी हलक्या वजनाचे समकालीन दागिने यांचा समावेश आहे. याशिवाय, ग्राहकांना दागिन्यांच्या कलाकुसरीचा प्रत्यक्ष अनुभव देता यावा यासाठी विशेष कारीगरी रूमही तयार करण्यात आली आहे. पुण्यातील विविध ग्राहकांच्या आवडीनिवडी लक्षात घेऊन डिझाइन, उत्पादनांची व्याप्ती आणि ग्राहक अनुभव यावर भर देण्याचे या स्टोअरचे उद्दिष्ट आहे. या लाँचमुळे पश्चिम भारतातील ‘इंद्रिया’ची उपस्थिती अधिक बळकट होत असून, प्रीमियम रिटेल क्षेत्रातील ब्रँडची पोहोचही वाढत आहे. यावेळी ‘इंद्रिया’चे मुख्य कार्यकारी अधिकारी संदीप कोहली म्हणाले, “पुणे ही आमच्यासाठी महत्त्वाची बाजारपेठ आहे. येथे ग्राहकांचा संमिश्र वर्ग, बदलत्या आवडीनिवडी आणि डिझाइन-आधारित दागिन्यांची वाढती मागणी लक्षात घेऊन आम्ही विस्तार करत आहोत. शहरातील चौथ्या स्टोअरद्वारे अधिकाधिक ग्राहकांना उच्च दर्जाचा खरेदी अनुभव देण्याचा आमचा प्रयत्न आहे.” पुण्यातील या नव्या स्टोअरमुळे ‘इंद्रिया’ ब्रँड महाराष्ट्रात आपली पकड अधिक मजबूत करत असून, समकालीन दागिन्यांचे विविध संग्रह आणि वैशिष्ट्यपूर्ण खरेदीचा अनुभव ग्राहकांना उपलब्ध करून देत आहे.
