Aishwarya Desai : दिग्दर्शक संदीप रेड्डी वांगा त्यांच्या आगामी स्पिरीट (spirit movie) चित्रपटाला घेऊन प्रेक्षकांच्या भेटीला येणार आहेत. या चित्रपटात अभिनेता प्रभास मुख्य भूमिकेत आहे. गेल्या अनेक दिवसांपासून या चित्रपटाची जोरदार चर्चा आहे. २०२७ म्हणजेच पुढील वर्षी हा चित्रपट चित्रपटगृहात प्रदर्शित होणार आहे. चित्रपटात प्रभाससोबत अभिनेत्री तृप्ती डिमरी स्क्रिन शेअर करताना दिसणार आहे. अशातच आता चित्रपटात आणखी एका अभिनेत्रीची एंन्ट्री झाली असून, या अभिनेत्रीचे नाव आणि लूक रिव्हील करण्यात आला आहे. अभिनेता विवेक ओबेरॉयने त्याच्या इंस्टाग्राम अकाऊंटवरुन त्याचा आणि या अभिनेत्रीचा फर्स्ट लूक शेअर केला आहे. अभिनेता एका हातात तलवार घेऊन सिगरेट ओढताना दिसत आहे. यावरून विवेक ओबेरॉय खलनायकाच्या भूमिकेत असल्याची शक्यता आहे. विवेकने या पोस्टरद्वारे एका नवीन अभिनेत्रीची ओळख करून दिली आहे. या अभिनेत्रीचे नाव ऐश्वर्या देसाई असून ती चित्रपटात महत्त्वाची भूमिकेत दिसणार आहे. हा चित्रपट पुढील वर्षी ५ मार्च २०२७ रोजी प्रदर्शित होणार आहे. कोण आहे ऐश्वर्या देसाई? (Aishwarya Desai) मूळची गुजरातची रहिवासी असलेल्या ऐश्वर्याला गुजराती, हिंदी आणि इंग्रजी भाषा येत आहेत. ऐश्वर्या मुंबईत स्थायिक आहे, परंतु वेब सीरिज, चित्रपट आणि मॉडेलिंगसाठी मुंबई, न्यूयॉर्क शहर आणि वॉशिंग्टन डीसी दरम्यान वारंवार प्रवास करते. ऐश्वर्याचे सोशल मीडियावर अनेक बोल्ड आणि ग्लॅमरस फोटो बघायला मिळतात. ऐश्वर्याला ‘स्पिरीट’ या चित्रपटातून एक मोठी संधी मिळाली आहे. याआधी ऐश्वर्याने रणवीर सिंहसोबत गली बॅाय चित्रपटात काम केले आहे. Spirit Movie संदीप रेड्डी वांगा यांच्या चित्रपटात महिला पात्रांना एक वेगळ्याच पद्धतीने मांडले जाते, त्यामुळे ऐश्वर्या या चित्रपटात नेमकी कोणती भूमिका साकारणार, याबाबत चाहत्यांमध्ये मोठी उत्सुकता निर्माण झाली आहे. हा चित्रपट आठ भाषांमध्ये प्रदर्शित होणार आहे. या चित्रपटाची निर्मिती टी-सीरीज फिल्म्स आणि भद्रकाली पिक्चर्स करत आहेत. संदीप रेड्डी वांगा यांनी या चित्रपटाचे लेखन आणि दिग्दर्शन केले आहे. हेही वाचा : Rule Change From 1 March : 1 मार्चपासून रेल्वे तिकीट बुकिंग ते UPI बाबत होणार बदल; तुमच्या खिशावर होणार परिणाम
