Kalpana Soren Vs Modi Government| झारखंडचे माजी मुख्यमंत्री हेमंत सोरेन यांच्या पत्नी कल्पना सोरेन यांनी राजकारणात एंट्री केली आहे. सोमवारी कल्पना सोरेन यांनी गिरिडीहमध्ये झारखंड मुक्ती मोर्चा (जेएमएम) च्या 51 व्या स्थापनादिन सोहळ्याला हजेरी लावली होती. या सोहळ्याच्या माध्यमातून त्यांनी राजकीय जीवनाला सुरुवात केली. यावेळी त्यांनी भाषणातून मोदी सरकारवर निशाणा साधला. काहीही झाले तरी झारखंड कधीही झुकणार नाही, असा इशारा त्यांनी यावेळी दिला.

कल्पना सोरेन म्हणाल्या, “मी जड अंतःकरणाने तुमच्यासमोर उभी आहे. वडील म्हणून माझे सासरे आणि सासू काळजीत आहेत. मला वाटले की मी माझ्या अश्रूंवर नियंत्रण ठेवू शकेन, पण तुमचे प्रेम बघून मला माझे अश्रू आवरता आले नाहीत. तुम्ही इथून त्यांना हाक मारा. इतक्या जोरात सांगा की तुमचा आवाज, तुमचा उत्साह तुमच्या दादांपर्यंत (हेमंत सोरेन) पोहोचला पाहिजे. राज्यात महाआघाडीचे सरकार आल्यापासून केंद्राकडून षडयंत्र रचले जात आहे. तुम्ही काहीही कराल असे तुम्हाला वाटत असेल तर तुमची चूक ठरत आहात. आम्ही कधीही झुकलो नाही झुकणारही नाही,” अशा शब्दात कल्पना सोरेन यांनी मोदी सरकारवर हल्लाबोल केला.

“केंद्राने केलेल्या चुकीची शिक्षा व्हायलाच हवी” Kalpana Soren Vs Modi Government | 

पुढे कल्पना सोरेन म्हणाल्या, “रविवारी माझ्या वाढदिवशी मी माझ्या पतीला भेटण्यासाठी तुरुंगात गेले होते. त्यांनी माझ्या खांद्यावर हात ठेवला आणि मला घाबरू नकोस असे सांगितले. त्यांना तुरुंगात पाठवण्यात आले आहे, पण तो अजूनही जिवंत आहे. केंद्राने केलेल्या चुकीची शिक्षा व्हायलाच हवी. त्यासाठी आपणाला एक एक मत हेमंत सोरेन यांच्या पक्षालाच द्यायचे आहे,” असे आवाहनही कल्पना सोरेन यांनी केले.

“दिल्लीतील लोकांची ह्रदये धडधडत नाहीत. आदिवासी, दलितांसोबत आपण काहीही करू शकतो, असं त्यांना वाटतं. मुख्यमंत्र्यांना पायउतार होण्यास त्यांनी भाग पाडलं. पण, येथील आमच्या सर्व कार्यकर्त्यांच्या मनोधैर्यावरून असं वाटतं की आम्ही त्यांचा पराभव केला. पण येत्या काळात तुम्ही सर्वांनी मिळून त्या आशीर्वादाचे मतांमध्ये रूपांतर करायचे आहे आणि झारखंडी कधीच झुकणार नाही, हे त्यांना ठणकावून सांगू.” असे कल्पना सोरेन यावेळी म्हणाल्या.

कल्पना सोरेन यांची राजकारणात प्रवेश करण्याची घोषणा Kalpana Soren Vs Modi Government| 

कल्पना यांनी रविवारी एक्स अर्थात ट्विटरवर सक्रिय राजकारणात प्रवेश करण्याची घोषणा केली होती. हेमंत सोरेन यांचे सोशल मीडिया प्लॅटफॉर्म एक्सचे हँडल सध्या त्याच चालवत आहेत. सोशल मीडियावर त्यांनी गुरू शिबू सोरेन आणि रुपी सोरेन यांच्यासोबत एक फोटो शेअर केला होता. तसेच कल्पना यांनी “मला विश्वास आहे की तुम्ही तुमच्या मुलाला आणि भाऊ हेमंतजींना जे प्रेम आणि आशीर्वाद दिलेत, तेच प्रेम आणि आशीर्वाद तुम्ही मला म्हणजेच हेमंत जीच्या जीवनसाथीलाही द्याल”, असा विश्वास त्यांनी व्यक्त केला.

हेही  वाचा:  

Lok Sabha Election 2024 : शिंदे गट 22 जागांसाठी आग्रही; गटातील दोन आमदारांनी दिली माहिती

Congress | अग्निवीर योजना बंद करणार, एमएसपीची हमी, रेल्वे भाड्यात कपात, सिलिंडर 450 रुपयांना..!असा असेल ‘काँग्रेसचा जाहीरनामा’