Neha Kakkar | अॅास्टेलियातील मेलबर्नमध्ये प्रसिद्ध गायिका नेहा कक्करच्या कॅान्सर्टचे आयोजन करण्यात आले होते. हा कॅान्सर्ट पाहण्यासाठी लोकांनी तोबा गर्दी केली होती. मात्र, नेहा या शोसाठी तब्बल ३ तास उशिरा पोहचली. यामुळे तिची वेड्यासारखी वाट पाहणारे प्रेक्षक तिच्यावर वैतागून चांगलेच भडकले होते. यानंतर प्रेक्षकांनी तिला थेट परत जाण्यास सांगितलं. तिने आपल्याला उशिरा झाल्याबद्दल प्रेक्षकांना दिलीगिरी व्यक्त केली. मात्र, प्रेक्षकांचा विरोध कायम होता. यामुळे तिला स्टेजवरच रडू कोसळलं. या कॅान्सर्टमधील हा व्हडिओ सोशल मीडियावर चांगलाच व्हायरल होत आहे.
खरंतर नेहा कक्कर हि सोशल मीडियावर सक्रीय असते. ती अनेक कारणांमुळे चर्चेत असते. आता ती पुन्हा एकदा या प्रकारामुळे चर्चेत आली आहे. नेहा आणि प्रेक्षकांमधील हा व्हिडिओ सोशल मीडियावर व्हायरल झाला असून चर्चेचा विषय ठरत आहे. प्रेक्षकांची नाराजी पाहून नेहा कक्करने सर्वांची माफी मागितली. पण त्याचा काहीही उपयोग झाला नाही.
Neha Kakkar crying for being 3 hrs late at a Melbourne show
She also performed for less than 1 hour #NehaKakkar pic.twitter.com/TGyhaeCjpu— Redditbollywood (@redditbollywood) March 24, 2025
मित्रांनो, तुम्ही खरंच खूप चांगले आहात. तुम्ही आत्तापर्यंत धीर धरला आहात. तुम्ही खूप वेळापासून वाट पाहत आहात. मला खरतंर या गोष्टीचा राग आहे, मी संपूर्ण आयुष्यात कधीही कोणालाही वाट पहायला लावली नाहीये. तुम्हाला इतक्या वेळेपासून वाट पहायला लागत आहे, मला खरंच त्याचा खेद वाटतो. हे माझ्यासाठीखूप महत्वाचं आहे, मी ही संध्याकाळ नेहमीच लक्षात ठेवेन, अशी दिलगिरी नेहाने प्रेक्षकांसमोर व्यक्त केली. मात्र, तरीही प्रेक्षकांचा विरोध कायम होता. माफीनंतरही तिचं काहीच ऐकायला प्रेक्षक तयार नव्हते. अनेक प्रेक्षकांनी आपला रोष यावेळी नेहावर व्यक्त केला.
