इंदापूर : नगरपरिषद निवडणुकीची रणधुमाळी तापली असताना,राष्ट्रवादी काँग्रेस अजित पवार गटाने आज प्रभाग क्रमांक 1 व 2 मध्ये प्रचंड ताकद दाखवत प्रचारात तुफानी झंकार निर्माण केली.कृषिमंत्री दत्तात्रय भरणे यांच्या सुविद्य पत्नी सारिका भरणे आणि माजी नगराध्यक्षा अंकिता मुकुंद शहा यांच्या नेतृत्वाखाली झालेल्या घरभेटी मोहिमेला मतदारांकडून उत्स्फूर्त आणि जबरदस्त प्रतिसाद मिळाला. या प्रचारदौर्यात प्रभाग 1 चे उमेदवार उमेश रमेश मखरे, सुनिता अरविंद वाघ, तसेच प्रभाग 2 चे उमेदवार सुनिता अमर नलवडे आणि राजेंद्र गेणा चौगुले यांच्यासह शेकडो मतदार व कार्यकर्त्यांनी सहभाग नोंदवला. गल्ल्या-बोळातून उमटणार्या घोषणांमध्ये महिलांची गर्दी,तरुणांचा उत्साह आणि ज्येष्ठांचा सल्ला पाहता राष्ट्रवादीचा प्रचार अक्षरशःसुपर चार्ज झाल्याचे स्पष्ट दिसले.यावेळी घर भेटीदरम्यान झालेल्या संवादात माजी नगराध्यक्ष अंकिता शहा यांनी प्रभागातील विकासकामांची ठोस मांडणी करत सांगितले, यामध्ये प्रभाग 1 मध्ये बाबा चौक इरिगेशन वसाहत हा रस्ता पूर्ण केला. महती नगरमध्ये दर्जेदार अंतर्गत रस्ते व नव्या ड्रेनेजची सोय निर्माण केली. दत्तनगर-शहाकार्यालय ड्रेनेज लाईन टाकून नागरिकांचा दीर्घकालीन प्रश्न सोडवला. श्रीराम कॉलनीतील रस्ते नगरपरिषद निधीतून मार्गी लावले. काही भागात नवीन ड्रेनेज लाईनचे काम सुरू असून नागरिकांच्या मूलभूत गरजा पूर्ण करण्याला आम्ही नेहमीच प्राधान्य दिले आहे. आगामी काळात प्रभाग 1 व 2 हे दोन्ही विकासाचे मॉडेल बनवण्याचा आमचा निर्धार आहे. उपमुख्यमंत्री अजित पवार आणि कृषिमंत्री दत्तात्रय भरणे यांच्या मार्गदर्शनाखाली विकासाचा वेग आणखी वाढणार आहे. म्हणून जनता राष्ट्रवादीसोबत या घरभेटी प्रचारादरम्यान राज्याचे कृषिमंत्री दत्तात्रय भरणे यांच्या पत्नी सारिका भरणे म्हणाल्या, माजी नगराध्यक्ष अंकिता शहा यांच्या कार्यकाळातील कामांची आजही शहरात जोरदार चर्चा आहे. मंत्री दत्तात्रय भरणे यांच्या माध्यमातून इंदापूरच्या विकासाला नवी दिशा मिळाली आहे. शासनाच्या योजनांचा,विशेषत लाडक्या बहिणींसाठीच्या सुविधांचा मोठा लाभ, शहरातील महिलांना राष्ट्रवादीच्या बाजूने ठाम उभे करीत आहे.
