NCP Women President : नाशिकमधील भोंदूबाबा अशोक खरात याच्या लैंगिक शोषण आणि बलात्कार प्रकरणाने राज्यातील राजकीय वातावरण तापले आहे. या प्रकरणात राष्ट्रवादी काँग्रेसच्या (NCP Women President) नेत्यांशी असलेल्या संबंधांमुळे मोठी खळबळ उडाली. यामुळे राज्य महिला आयोगाच्या अध्यक्ष पदावरून रुपाली चाकणकर यांना राजीनामा द्यावा लागला. आता पक्षातील महिला प्रदेशाध्यक्ष पदही (NCP Women President) त्यांना गमावावे लागणार असल्याची चर्चा जोर धरू लागली आहे. अशोक खरात याने महिलांना अध्यात्म आणि समस्या सोडवण्याच्या बहाण्याने फसवले, बेशुद्ध करून लैंगिक शोषण केले आणि व्हिडिओ कॅमेरेत कैद केल्याचे समोर आले आहे. त्याच्या अटकेनंतर सोशल मीडियावर रुपाली चाकणकर यांचे त्याच्यासोबतचे फोटो (जसे पाद्यपूजा इत्यादी) व्हायरल झाले. NCP Women President चाकणकर या खरातच्या ‘श्री शिवनिका संस्थान’मध्ये विश्वस्त म्हणूनही कार्यरत होत्या. या प्रकरणामुळे विरोधी पक्षांनी तीव्र टीका केली. सुषमा अंधारे, रुपाली ठोंबरे यांसारख्या नेत्यांनी चाकणकर यांच्या अटकेची मागणी केली. मुख्यमंत्री देवेंद्र फडणवीस यांच्या आदेशानंतर चाकणकर यांनी शुक्रवारी उपमुख्यमंत्री सुनेत्रा पवार यांच्याकडे महिला आयोग अध्यक्षपदाचा राजीनामा सादर केला. प्रदेशाध्यक्षपद जाणार? या राजीनाम्यानंतर राष्ट्रवादी काँग्रेसच्या कोअर कमिटीची बैठक शनिवारी मुंबईत झाली. यात सुनेत्रा पवार, प्रफुल्ल पटेल, सुनील तटकरे यांसह वरिष्ठ नेते उपस्थित होते. पक्षाला या प्रकरणामुळे होणारी बदनामी रोखण्यासाठी चर्चा झाली. सूत्रांच्या माहितीनुसार, रुपाली चाकणकर यांना महिला प्रदेशाध्यक्ष पदाचा राजीनामा द्यावा लागणार असल्याचे संकेत मिळाले आहेत. गेल्या आठवड्यात सोशल मीडियावर त्यांच्यावर प्रचंड ट्रोलिंग झाले. अजित पवार गटातील नवीन नेतृत्व, विशेषतः सुनेत्रा पवार यांच्या काळात पक्षाला असा धब्बा लावून घेण्याची इच्छा नाही. त्यामुळे चाकणकर यांना पक्षातून पाठिंबा मिळण्याची शक्यता कमी दिसत आहे. महिला प्रदेशाध्यक्ष पदासाठी ‘या’ महिला नेत्यांची नावे चर्चेत रुपाली चाकणकर यांचे पद रिक्त झाल्यास या पदासाठी खालील महिलांची नावे चर्चेत आहेत: सना मलिक : आमदार, नवाब मलिक यांची मुलगी. अल्पसंख्यांक चेहरा म्हणून प्राधान्य मिळू शकते. मात्र, भाजपकडून विरोध होण्याची शक्यता. सरोज अहिरे : देवळालीच्या आमदार, उत्तर महाराष्ट्रातील. पक्षात मोठे पद नाही. वक्तृत्व आणि संघटन कौशल्यावर प्रश्नचिन्ह, नाव सर्वांना माहीत नाही. वैशाली नागवडे : हुशार आणि प्रगल्भ, पक्षातील कामाचा अनुभव. महानंदा अध्यक्षपदाचा अनुभव. पश्चिम महाराष्ट्रातील. मात्र, मागील काही वर्षांत मागे पडल्याने अडचण. राजलक्ष्मी भोसले : पुण्याच्या माजी महापौर. सुनेत्रा पवार यांच्या निकटवर्तीय. पश्चिम महाराष्ट्राची पार्श्वभूमी. वयाने ज्येष्ठ, काही वर्षांपासून राजकारणात कमी सक्रिय. रुपाली ठोंबरे : आक्रमक भूमिका, चाकणकर यांच्या विरोधात कडवी भूमिका घेतली. सर्वांना माहीत असलेले नाव, पुण्यातून (पश्चिम महाराष्ट्र).अति आक्रमक स्वभावामुळे संघटनेत विरोध होण्याची शक्यता. हे प्रकरण आता राज्यस्तरावर गाजत असून, राष्ट्रवादी काँग्रेसला अंतर्गत आणि बाह्य दबावाचा सामना करावा लागत आहे. खरात प्रकरणातील तपास एसआयटीकडे असून, पुढील घडामोडींवर राजकीय वर्तुळाचे लक्ष लागले आहे. दोन्ही राष्ट्रवादी एकत्र आल्यास ‘ही’ नावे येणार चर्चेत याशिवाय येत्या काळात जर दोन्ही राष्ट्रवादी काँग्रेस एकत्र आल्यास शरद पवार यांच्या पक्षातील माजी आमदार विद्या चव्हाण, माजी खासदार फौजिया खान, माजी खासदार वंदना चव्हाण, रोहिणी खडसे यांच्या नावाची देखील महिला प्रदेशाध्यक्ष पदासाठी चर्चा होऊ शकते. त्यामुळे येत्या काळात या पदावर (NCP Women President) कोणत्या महिला नेत्याची नियुक्ती होणार हे पाहणे महत्वाचे असणार आहे.