NCP News : राष्ट्रवादी काँग्रेसच्या (अजित पवार गट) राष्ट्रीय कार्यकारिणीच्या यादीवरून (NCP News) राजकीय वर्तुळात पुन्हा एकदा मोठे प्रश्नचिन्ह उपस्थित झाले आहे. केंद्रीय निवडणूक आयोगाला सादर केलेल्या पत्रात खासदार सुनील तटकरे आणि प्रफुल्ल पटेल यांच्या नावांसमोर त्यांच्या संघटनात्मक पदांचा उल्लेख टाळण्यात आल्याने खळबळ उडाली आहे. पक्षाने २९ एप्रिल रोजी निवडणूक आयोगाला (NCP News) दिलेल्या पत्रात अरुणाचल प्रदेशचे प्रदेशाध्यक्ष टोको तातूंग यांच्या नावाचा स्पष्ट उल्लेख आहे. मात्र, त्याच यादीत सुनील तटकरे यांच्या नावापुढे महाराष्ट्र प्रदेशाध्यक्ष ऐवजी केवळ लोकसभा गटनेते असा उल्लेख आहे. तसेच, राष्ट्रीय कार्याध्यक्ष असलेल्या प्रफुल्ल पटेल यांच्या नावापुढे केवळ राज्यसभा गटनेते असे नमूद करण्यात आले आहे. यामुळे हे दोन्ही दिग्गज नेते सध्या पक्षाच्या त्या पदांवर आहेत की नाही, असा पेच निर्माण झाला आहे. NCP News विशेष म्हणजे, मार्च महिन्यातही निवडणूक आयोगाला दिलेल्या पत्रात असाच गोंधळ झाला होता. त्यावेळी तांत्रिक चूक असल्याचे सांगून प्रकरण सावरण्यात आले होते. पक्षाच्या राष्ट्रीय अध्यक्षा सुनेत्रा पवार यांनी पाच दिवसांपूर्वी ट्विट करून या पत्रात दुरुस्ती केली जाईल असे स्पष्ट केले होते. मात्र, अद्याप कोणताही बदल झाला नसल्याची माहिती सूत्रांनी दिली आहे. वारंवार होणाऱ्या या प्रकारामुळे (NCP News) ही खरोखरच क्लेरिकल चूक आहे की जाणीवपूर्वक डावलले जात आहे, अशी चर्चा सुरू झाली आहे. अंतर्गत संघर्षाची चर्चा या पत्रात जनरल सेक्रेटरी म्हणून पार्थ आणि जय पवार यांच्या नावांचा समावेश आहे. त्यामुळे या वरिष्ठ नेत्यांना डावलण्यामागे पार्थ पवार यांच्याशी असलेले कथित शीतयुद्ध कारणीभूत आहे का? असा प्रश्न राजकीय विश्लेषक विचारत आहेत. एका बाजूला पक्षाचा विस्तार होत असताना, दुसऱ्या बाजूला महत्त्वाच्या नेत्यांची पदे यादीतून गायब होणे, हे पक्षांतर्गत सुरू असलेल्या पडद्यामागच्या घडामोडींचे संकेत मानले जात आहेत. यामुळे आता राष्ट्रवादी काँग्रेसच्या गोटात नेमके काय चालले आहे, याकडे सर्वांचे लक्ष लागले आहे.
