नवी दिल्ली –  कोरोनाचं सावट आणि  वायू प्रदूषणामुळे ढासळणारी हवेची गुणवत्ता लक्षात घेऊन राष्ट्रीय हरित लवादाने (NGT) फटाके संदर्भात एक मोठा निर्णय घेतला आहे. दिल्ली-एनसीआर आणि हवेची गुणवत्ता खराब असलेल्या देशातील सर्व शहरांमध्ये फटाक्यांच्या विक्री व वापरावरील बंदी वाढविली असल्याचे आदेश राष्ट्रीय हरित लवादाने निर्गमित केले आहेत.

National Green Tribunal extends ban on the sale and use of all kinds of firecrackers during the COVID-19 pandemic, in the National Capital Region and all cities/towns in the country where the ambient air quality falls under the ‘poor’ and above category. pic.twitter.com/XCfOccjmBT

— ANI (@ANI) December 2, 2020

एनजीटीने ख्रिसमस आणि नवीन वर्षादरम्यान  केवळ अर्धा तास फटाके फोडण्याची परवानगी दिली आहे. आदेशानुसार रात्री 11.55 ते 12.30 या दरम्यानच फटाके फोडता येतील. तसेच, जेथे हवेची गुणवत्ता सामान्य किंवा चांगली आहे, अशा ठिकाणी हरित फटाके उडविण्याची परवानगी दिली आहे.
याशिवाय एनजीटीने जिल्हाधिकाऱ्यांना त्यांच्या जिल्ह्यात फटाकेविक्री होऊ नये तसेच उल्लंघन करणार्‍यांनाकडून दंड आकाराण्याबाबत निर्णय घेण्यास सांगितले आहे.

दरम्यान, दिल्ली सरकारने यापूर्वी फटाके विक्रीवर बंदी घातली आहे. आता एनजीटीने वायू प्रदूषणाची पातळी पाहता फटाक्यांवरील बंदीचा कालावधी वाढविला आहे. नव्या आदेशानुसार ख्रिसमस आणि नवीन वर्षाच्या निमित्ताने फक्त 35 मिनिटांसाठी फटाके फोडण्याची परवानगी एनजीटीकडून देण्यात आली आहे.