Narendra Modi in Ethiopia। पंतप्रधान नरेंद्र मोदी हे त्यांच्या पहिल्या इथिओपियाच्या दौऱ्यावर आहेत. काल इथिओपियाचे पंतप्रधान अबी अहमद अली यांनी त्यांना देशाचा सर्वोच्च सन्मान,‘द ग्रेट ऑनर निशान ऑफ इथियोपिया’ प्रदान केला. दरम्यान , आज पंतप्रधान मोदींनी इथिओपियाच्या संसदेला संबोधित केले. ते म्हणाले, “ही माझ्यासाठी अभिमानाची गोष्ट आहे. हा केवळ माझा सन्मान नाही, तर देशाचा सन्मान आहे.” पंतप्रधान मोदी म्हणाले, “लोकशाहीच्या या मंदिरात येणे माझ्यासाठी सन्मानाची गोष्ट आहे.” असे त्यांनी म्हटले. “मला याठिकाणी पूर्णपणे घरी असल्यासारखे वाटते” Narendra Modi in Ethiopia। पंतप्रधान नरेंद्र मोदी यांनी आदिस अबाबा याठिकाणी इथिओपियाच्या संसदेच्या संयुक्त अधिवेशनाला संबोधित केले. अधिवेशनादरम्यान ते म्हणाले, “आज तुमच्यासमोर उभे राहणे माझ्यासाठी एक मोठा सन्मान आणि सौभाग्य आहे. सिंहांची भूमी म्हणून ओळखल्या जाणाऱ्या इथिओपियात येऊन मला खूप आनंद होत आहे. भारतातील माझे गृहराज्य गुजरात सिंहांची भूमी म्हणूनही ओळखले जाते, त्यामुळे मला येथे पूर्णपणे घरी असल्यासारखे वाटते.” पंतप्रधान मोदी म्हणाले की भारताचे राष्ट्रीय गीत, वंदे मातरम आणि इथिओपियाचे राष्ट्रगीत दोन्ही आपल्या भूमीला आई म्हणून संबोधतात. ते आपल्याला आपल्या वारशाचा, संस्कृतीचा आणि सौंदर्याचा अभिमान बाळगण्यास शिकवतात आणि आपल्या मातृभूमीचे रक्षण करण्यास प्रेरित करतात.” पंतप्रधान म्हणाले की, ते इथिओपियाच्या संसदेबद्दल, तिथल्या लोकांबद्दल आणि देशाच्या लोकशाही प्रवासाबद्दल खोल आदराने आले आहेत आणि भारताच्या १.४ अब्ज लोकांच्या वतीने मैत्री, सौहार्द आणि बंधुत्वाचा संदेश देतात. “मी भारतीय जनतेच्या वतीने हा सन्मान स्वीकारतो.” Narendra Modi in Ethiopia। ते म्हणाले की या इमारतीत कायदे बनवले जातात, जिथे जनतेची इच्छा राज्याची इच्छा बनते आणि जेव्हा राज्याची इच्छा जनतेच्या इच्छेशी जुळते तेव्हाच विकासाचे वाहन पुढे सरकते. पंतप्रधान मोदी म्हणाले की या व्यासपीठाच्या माध्यमातून ते शेतात काम करणाऱ्या शेतकऱ्यांशी, नवीन कल्पना विकसित करणाऱ्या उद्योजकांशी, महिला नेतृत्व करणाऱ्या समुदायांशी आणि देशाचे भविष्य घडवणाऱ्या इथिओपियाच्या तरुणांशी संवाद साधत आहेत. पंतप्रधानांनी असेही सांगितले की काल त्यांना इथिओपियाचा सर्वोच्च सन्मान, “इथिओपियाचा महान सन्मान निशाण” प्रदान करण्यात आला, जो ते भारताच्या जनतेच्या वतीने हात जोडून स्वीकारतात.
