Nandurbar incident । महाराष्ट्रात गेल्या तीन दिवसांत तणावाच्या घटना घडताना दिसून येत आहेत. त्यातच आता आणखी एक अशीच घटना घडली आहे. राज्यातील नंदुरबार जिल्ह्यात तणावाचे वातावरण होते. याठिकाणी दोन समुदाय एकमेकांशी भिडले. यादरम्यान दगडफेकीसह तोडफोड आणि जाळपोळही मोठ्या प्रमाणात झाली. तसेच तणावात अनेक जण जखमी झाले असल्याचे सांगण्यात येत आहे. नंदुरबारमध्ये हिंसाचार इतका वाढला की पोलिसांना अश्रुधुराच्या नळकांड्यांचा वापर करावा लागला. बदमाशांनी एसपींच्या गाडीलाही लक्ष्य केले. परिस्थिती हाताळण्यासाठी पोलीस बंदोबस्त तैनात करण्यात आला होता, मात्र अजूनही लोक रस्त्यावर जमा आहेत. पोलिस जमावाला पांगवण्याचा प्रयत्न करत आहेत. पोलिस आणि प्रशासनातील उच्चपदस्थ अधिकारीही घटनास्थळी हजर आहेत. संभाजीनगरमध्येही मिरवणुकीवर दगडफेक Nandurbar incident । यापूर्वी महाराष्ट्रातील छत्रपती संभाजीनगर शहरातील गणेश उत्सव शोभा यात्रेवर दगडफेक करण्यात आली होती. याप्रकरणी पोलिसांनी 15 जणांना अटक केली आहे. गणेश उत्सवाच्या शेवटच्या दिवशी मंगळवारी रात्री 11.30 वाजण्याच्या सुमारास पुंडलिकनगर परिसरात घडलेल्या या घटनेत तीन महिला आणि दोन पुरुष जखमी झाल्याची माहिती पोलीस अधिकाऱ्याने दिली. गुलाल उधळण्यावरून वाद Nandurbar incident । येथे एका गणेश मंडळाच्या काही सदस्यांनी दुसऱ्या मंडळाच्या सदस्यांवर गुलाल उधळला, यावरून त्यांच्यात वाद झाला. एका गणेश मंडळाच्या सदस्यांनी दुसऱ्या मंडळाच्या मिरवणुकीवर कथित दगडफेक केल्याचे पोलिसांच्या पत्रकात म्हटले आहे. 4 जणांना अटक माहिती मिळताच राज्य राखीव पोलिस दलाच्या (एसआरपीएफ) पथकासह पोलिस घटनास्थळी पोहोचले आणि त्यांनी तेथून चार जणांना अटक केली. या अधिकाऱ्याने सांगितले की, अटक केलेल्या चार जणांवर आणि घटनास्थळावरून फरार झालेल्या अन्य ११ जणांविरुद्ध संबंधित तरतुदींनुसार गुन्हा दाखल करण्यात आला आहे. ते म्हणाले की नंतर इतर 11 आरोपींचा शोध घेण्यासाठी पोलिस पथके पाठवण्यात आली आणि त्यांनाही अटक करण्यात आली.
