Jharkhand Assembly Election 2024 |  झारखंड विधानसभा निवडणुकीसाठी भाजपने आणखी दोन उमेदवारांची नावे जाहीर केली आहेत. भाजपने टुंडीमधून विकास महतो आणि बरहेटमधन गमालियम हेम्ब्रम यांना उमेदवारी दिली आहे. यासह भाजपने सर्व 68 जागांवर आपले उमेदवार जाहीर केले आहेत.

गमालियम हेम्ब्रमयांनी 2019 मध्ये एजेएसयू पक्षाच्या तिकिटावर बरहेतमधून निवडणूक लढवली होती. त्यावेळी त्यांना केवळ 2,573 मते मिळाली होती.सीएम हेमंत सोरेन हे साहिबगंज जिल्ह्यातील बरहेट (एसटी) मतदारसंघाचे विद्यमान आमदार आहेत. 2019 च्या विधानसभा निवडणुकीत त्यांनी भाजपचे सायमन माल्टो यांचा 25,740 मतांनी पराभव केला.

हेमंत सोरेन 2014 पासून सतत बरहेटमधून निवडणूक जिंकत आहेत. अनुसूचित जमातीसाठी राखीव असलेली ही जागा जेएमएमसाठी सर्वात सुरक्षित जागा मानली जाते. यावेळी बरहेट विधानसभेच्या जागेवर 20 नोव्हेंबरला मतदान होणार आहे.

गमलीएल हेमब्रम कोण आहेत? 

बरहेट मतदारसंघातील भाजपचे उमेदवार गमलीएल हेमब्रम हे शिक्षक होते. ते 5 वर्षांपूर्वी राजकारणात सक्रिय झाले. 2019 मध्ये, गमालीएल हेमब्रम यांनी सरकारी नोकरी सोडली आणि मुख्यमंत्री हेमंत सोरेन यांच्या विरोधात AJSU पक्षाच्या तिकिटावर निवडणुकीच्या रिंगणात उतरले.

मात्र या निवडणुकीत त्यांचे डिपॉझीट देखील जप्त करण्यात आले होते. त्यांना केवळ 2573 मते मिळाली. या जागेवर हेमंत सोरेन विजयी झाले. हेमंत सोरेन यांना 73,725 मते मिळाली. भाजपचे उमेदवार सायमन माल्टो दुसऱ्या क्रमांकावर होते. त्यांना 47,985 मते मिळाली.

झारखंडमध्ये दोन टप्प्यात मतदान 

झारखंड विधानसभा निवडणुकीसाठी 13 आणि 20 नोव्हेंबरला दोन टप्प्यात मतदान होणार आहे. 23 नोव्हेंबर रोजी मतमोजणी होणार आहे. राज्यातील विधानसभेच्या 81 पैकी 68 जागांवर भाजप निवडणूक लढवत आहे. उरलेल्या जागा त्यांनी मित्रपक्षांसाठी सोडल्या आहेत. NDA मधील भाजपच्या प्रमुख मित्रपक्षांपैकी AJSU 10 जागांवर, जनता दल युनायटेड (JDU) दोन जागांवर आणि लोक जनशक्ती पार्टी (रामविलास) (LJP) एका जागेवर लढणार आहे.

हेही वाचा : 

दिवाळीच्या आठवड्याच्या पहिल्या दिवशी शेअर बाजारात मुसंडी ; निफ्टी 24,250 च्या वर, सेन्सेक्सही वाढला