मुंबई – औरंगाबादचे नामांतर संभाजीनगर करण्याचा मुद्द्यावरून राजकारण तापत असतानाच आज झालेल्या राज्य मंत्रिमंडळाच्या बैठकीत एक मोठा निर्णय घेण्यात आला. औरंगाबादच्या विमानतळाला छत्रपती संभाजी महाराज यांचे नाव देण्याबाबत राज्याच्या मंत्रिमंडळाने निर्णय घेतला आहे.

त्यामुळे आता औरंगाबाद महापालिका निवडणूक नामांतराच्या मुद्‌द्‌याभोवतीच घुटमळणार असल्याचे दिसत आहे. औरंगाबाद विमानतळाचे छत्रपती संभाजी महाराज विमानतळ असे नामकरण करण्याबाबत केंद्रीय नागरी उड्डयन मंत्रालयाने अधिसूचना लवकरात लवकरात काढावी, असे मुख्यमंत्री उद्धव ठाकरे यांनी केंद्रीय नागरी उड्डयन मंत्र्यांना कळवले आहे.