नागपूर : राज्यातील महापालिका निवडणुकीसाठी उमेदवारी अर्ज दाखल करण्यासाठी दोन दिवस शिल्लक असताना भाजपनकडून उमेदवारांना एबी फॅार्मचे वाटप करण्यात आले. आज उमेदवारी अर्ज दाखल करण्याचा शेवटचा दिवस असल्याने अर्ज दाखल करण्यासाठी उमेदवारांची लगबग पाहायला मिळत आहे. राज्याची उपराजधानी नागपूर महापालिकेची निवडणूक मोठी चुरशीची होणार असून भाजपकडून इच्छुक उमेदवारांची संख्या मोठी आहे. महापालिकेसाठी चर्चेत असलेल्या अनेकांची उमेदवारी नाकारण्यात आल्याने अनेकजण नाराज आहेत. आता मुख्यमंत्री देवेंद्र फडणवीस यांचे नागपूरमधील विश्वासू असलेल्या देवदत्त डेहनकर यांना भाजपकडून उमेदवारी नाकारण्यात आल्याने त्यांनी मोठा निर्णय घेत पक्षाच्या सदस्यत्वाचा राजीनामा दिला आहे. त्यांच्या राजीनाम्यामुळे नागपुरातील स्थानिक राजकारणात जोरदार चर्चा सुरू झाल्या आहेत. देवदत्त डेहनकर हे नागपूर महापालिकेची निवडणूक लढविण्यासाठी इच्छूक होते. त्यांचेही नावही चर्चेत होते. पण त्यांना भाजपकडून उमेदवारी नाकारण्यात आली आहे. त्यामुळे ते नाराज झाले. या नाराजीतूनच त्यांनी सोशल मीडियावरून भाजपच्या सक्रिय सदस्यत्वाचा राजीनामा दिला आहे. ग्रुपवर मॅसेज टाकून त्यांनी नाराजी व्यक्त केल्याची माहिती समोर आले आहे. या प्रकारामुळे एकीकडे जागावाटपाचा तिढा सुटलेला नसताना भाजपमधील अंतर्गत नाराजी उफाळून आली आहे. मिळालेल्या माहितीनुसार, मुख्यमंत्री देवेंद्र फडणवीस यांच्या दक्षिण पश्चिम विधानसभा मतदारसंघातील प्रभाग क्रमांक ३६ मधून देवदत्त डेहनकर उमेदवारीसाठी इच्छुक होते. त्यांना या प्रभागातून उमेदवारी मिळणार असल्याच्या चर्चा सुरू होत्या. पण या प्रभागातून त्यांना उमेदवारी नाकारण्यात आली आहे. त्यामुळे डेहनकर यांना राजीनामा दिला असून पक्षाकडून तो स्विकारला जाणार की त्यांची मनधरणी करण्यात पक्षाला यश येणार हे पाहणे महत्वाचे असणार आहे. याबाबत अद्यापपर्यंत चित्र स्पष्ट झालेले नाही. कोण आहेत देवदत्त डेहनकर? देवदत्त डेहनकर मुख्यमंत्री देवेंद्र फडणवीस यांच्या जवळचे समजले जातात. मागील अनेक वर्षांपासून ते युवा मोर्चा आणि भाजपच्या संघटन वाढीसाठी काम करत आहेत. हेही वाचा : Huma Qureshi New Year Plans: वेगळ्या पद्धतीने नवं वर्ष साजरं करणार हुमा कुरैशी; म्हणाली, “नव्या वर्षात मला फक्त… ”
