शिर्डी :  श्री साई संस्थान एम्प्लॉईज क्रेडिट को-ऑप. सोसायटीने नैसर्गिक विमा कवच पोटी मयत सभासदांच्या वारसांना १० लाखाचा धनादेश प्रदान केला. साईबाबा संस्थान विश्वस्तव्यवस्था, शिर्डीचे कायम कर्मचाऱ्यांची नोंदणीकृत सहकारी संस्था असून, संस्थेमार्फत संस्थेच्या सभासदांकरीता अनेक उपक्रम राबविले जातात.

त्यानुसारच नूतन चेअरमन विठ्ठल पवार यांचे संचालक मंडळाने निवडणुकीमध्ये जामीनदार मुक्त संस्था करणार असल्याचे जाहीर केले होते. त्यानुसार सभासद व संस्थेचे कर्मचारी यांचा नैसर्गिक मृत्यू विमा प्रत्येकी १० लाखांचा घेऊन एक ऐतिहासिक निर्णय घेत राबविला. संस्थेच्या सभासदांचा अथवा कर्मचारी यांचा कोणत्याही प्रकारचा मृत्यू झाल्यास त्यांचे वारसास संस्थेचे कर्जबाकी वजा जाता शिल्लक रक्कम याद्वारे मिळणार आहे.

दुदैवाने संस्थेचे कै. रावसाहेब प्रभाकर गाडेकर, कै. कांता बाबुराव देशमुख व कै. सुरेश तान्हाजी हुसळे यांचा मृत्यू झाला होता, त्यांचा आरोग्य विमा मंजूर झाला आहेत. त्यातील कै. रावसाहेब गाडेकर यांचे नावे संस्थेचे संपूर्ण कर्ज विमा रक्कमेच्या १० लाखातून वर्ग करण्यात आल्याने त्यांचे जामीनदार पूर्णपणे या कर्जातून मुक्त झालेले आहेत. तर कै. कांता देशमुख यांचे कोणतेही कर्ज नसल्याने संस्थेचे त्यांचे वारसास १० लाखांचा धनादेश प्रदान केला. तर कै. सुरेश हुसळे यांचेकडे संस्थेचे कर्ज बाकी असल्याने विमा रक्कमेतून कर्ज वसूल होवून त्यांच्या वारसांनाही संस्थेचे सभेत ९ लाख ४१ हजार चेकद्वारे प्रदान करण्यात आले. याकामी एक्सपेरिटस इन्शुरन्स ब्रोकर्स प्रा.लि, या कंपनीचे प्रतिनिधी हितेश टक्कर व जयेश पांडे यांचे सहकार्य लाभले.

मयत सभासदांचे वारसांना विमा चेक प्रदान प्रसंगी संस्थेचे व्हाइस चेअरमन पोपटराव कोते, संचालक महादु कांदळकर, कृष्णा आरणे, भाऊसाहेब कोकाटे , संभाजी तुरकणे, देविदास जगताप, विनोद कोते , मिलींद दुनबळे, तुळशिराम पवार, रवींद्र गायकवाड, भाऊसाहेब लवांडे, इकबाल तांबोळी, गणेश आहिरे, सुनंदा जगताप, लता बारसे, रंभाजी गागरे, तज्ज्ञ संचालक भाऊसाहेब लबडे, तसेच सचिव नबाजी डांगेसह सचिव विलास वाणी तसेच सर्व कार्यालयीन कर्मचारी उपस्थित होते.