IPS Transferred : मुंबई पोलीस दलात मोठे प्रशासकीय फेरबदल करण्यात आले असून मुख्यमंत्री तथा गृहमंत्री देवेंद्र फडणवीस यांनी सहा वरिष्ठ आयपीएस अधिकाऱ्यांच्या बदल्यांचे आदेश जारी केले आहेत. रविवारी जारी करण्यात आलेल्या या आदेशामुळे मुंबई पोलीस दलातील अनेक महत्त्वाच्या परिमंडळांमध्ये नवे अधिकारी नियुक्त करण्यात आले आहेत. (IPS Transferred) महाराष्ट्र गृह विभागाकडून प्रशासकीय कारणास्तव आणि मुंबईतील कायदा-सुव्यवस्था अधिक मजबूत करण्याच्या उद्देशाने हा निर्णय घेण्यात आल्याची माहिती समोर आली आहे. महाराष्ट्र पोलीस अधिनियम १९५१ मधील कलम २२ (एन) (२) अंतर्गत पोलीस आस्थापना मंडळाच्या निर्णयानुसार या बदल्या करण्यात आल्या आहेत. (IPS Transferred) कोणत्या अधिकाऱ्याची कुठे बदली? DCP मनीष कलवानिया : परिमंडळ 8 वरून परिमंडळ 1 मध्ये बदली DCP राघासुधा आर : परिमंडळ 4 वरून परिमंडळ 2 मध्ये बदली निमित्त गोयल : विशेष कृती दलातून परिमंडळ 8 मध्ये बदली DCP मोहित कुमार गर्ग : परिमंडळ 2 वरून परिमंडळ 9 मध्ये बदली आयपीएस संदीप घुगे : राज्य गुप्त विभाग वार्ता येथून परिमंडळ 11 मध्ये बदली गजानन राजमाने : फोर्स वनच्या पोलीस अधीक्षक पदावरून परिमंडळ 12 मध्ये बदली अनुभवी अधिकाऱ्यांकडे महत्त्वाची जबाबदारी मुंबईतील वाढती गुन्हेगारी आणि आगामी काळातील सुरक्षा आव्हाने लक्षात घेता हे फेरबदल महत्त्वाचे मानले जात आहेत. फोर्स वनसारख्या महत्त्वाच्या विभागाचे नेतृत्व केलेले गजानन राजमाने यांच्याकडे आता परिमंडळ १२ ची जबाबदारी सोपवण्यात आली आहे. तर राज्य गुप्त वार्ता विभागात कार्यरत असलेले संदीप घुगे यांना परिमंडळ ११ मध्ये नियुक्त करण्यात आलं आहे. या बदल्यांमुळे मुंबईतील महत्त्वाच्या परिमंडळांना अनुभवी अधिकारी मिळाले असून, पोलीस प्रशासनाच्या कामकाजाला अधिक गती मिळण्याची शक्यता व्यक्त केली जात आहे. तीन दिवसांपूर्वीही IPS अधिकाऱ्यांच्या बदल्या दरम्यान, तीन दिवसांपूर्वी राज्यातील काही वरिष्ठ आयपीएस अधिकाऱ्यांच्याही बदल्या करण्यात आल्या होत्या. संजय दराडे : कोकण परिक्षेत्राचे विशेष पोलीस महानिरीक्षक पदावरून पुण्याचे नवे सह पोलीस आयुक्त रंजनकुमार शर्मा : पुण्याचे सह पोलीस आयुक्त पदावरून कोल्हापूर परिक्षेत्राचे विशेष पोलीस महानिरीक्षक तेजस्वी सातपुते : राज्य राखीव पोलीस दलाच्या समादेशक पदावरून पदोन्नतीने पुणे गुन्हे शाखेच्या अतिरिक्त पोलीस आयुक्तपदी नियुक्ती
