Mumbai News : मुंबईत (Mumbai News) अमली पदार्थ निर्मिती करणाऱ्या एका टोळीचा पर्दाफाश करत पोलिसांनी ४ लाख रुपये किमतीचा कच्चा माल आणि रसायने जप्त केली आहेत. या साहित्यापासून १०० कोटी रुपये किमतीचे मेफेड्रोन (एमडी) हे अमली पदार्थ तयार करणे शक्य होते, अशी माहिती पोलिसांनी मंगळवारी दिली. या जप्तीमुळे अमली पदार्थांच्या तस्करांचा (Mumbai News) कट पोलिसांनी उधळून लावला आहे. गेल्या महिन्यात मेफेड्रोनची तस्करी करणाऱ्या एका टोळीविरोधात सुरू करण्यात आलेल्या तपासादरम्यान, मुंबईतील मालवणी येथील समन नगरी आणि आझमी नगर, तसेच गोराई येथील मौजे मनोरी या भागांतून (Mumbai News) एकूण ४ लाख रुपये किमतीची रसायने आणि निर्मितीसाठी लागणारी उपकरणे जप्त करण्यात आली. Mumbai News तयार अमली पदार्थ म्हणून या साहित्याची संभाव्य बाजारपेठ मूल्य १०० कोटी रुपयांच्या घरात पोहोचले असते, असा दावा मीरा-भाईंदर-वसई-विरार गुन्हे शाखेचे वरिष्ठ पोलीस निरीक्षक प्रमोद बडाख यांनी केला. जर पोलिसांनी आरोपींच्या अटकेपुरनंतर पुढील तपास केला नसता, तर या कच्च्या मालावर प्रक्रिया करून त्यापासून अमली पदार्थ तयार करण्यात आले असते आणि तस्करांच्या माध्यमातून त्याची विक्री केली गेली असती, असे पोलीस उपायुक्त (गुन्हे) संदीप डोईफोडे यांनी सांगितले. आतापर्यंत पोलिसांनी १३.६१ कोटी रुपये किमतीचे ६.७७३ किलो एमडी हे अमली पदार्थ जप्त केले आहेत. या प्रकरणी आतापर्यंत दोन महिलांसह एकूण १३ जणांना अटक करण्यात आली आहे, असे पोलिसांनी सांगितले. ४ एप्रिल रोजी या कारवाईची सुरुवात झाली. ठाणे जिल्ह्यातील मीरा रोड येथील नयानगर परिसरात टाकलेल्या छाप्यात, फिरदौस कुरेशी नामक एका महिलेकडून २.६६ कोटी रुपये किमतीचे १.३२ किलो एमडी जप्त करण्यात आले. त्यानंतर फिरदौस आणि तिचा पती अरबाज कुरेशीच्या केलेल्या चौकशीतून एका मोठ्या अमली पदार्थ रॅकेटचा पर्दाफाश झाला आणि त्यातूनच आणखी अनेकांना अटक करण्यात आली.
