Morgan Stanley। टाटा मोटर्सच्या डिमर्जरला जागतिक ब्रोकरेज फर्म मॉर्गन स्टॅनलीचा पाठिंबा मिळाला आहे. मॉर्गन स्टॅनलीने टाटा मोटर्सवर ओव्हरवेट कॉल दिलाय. ब्रोकरेज फर्मने टाटा मोटर्सच्या शेअर्समध्ये चांगली वाढ होण्याची शक्यता वर्तवलीय. टाटा मोटर्सने सोमवारी जाहीर केले होते की, ते त्यांचे व्यावसायिक वाहन आणि प्रवासी वाहन व्यवसाय दोन स्वतंत्र कंपन्यांच्या अंतर्गत चालवतील.

मॉर्गन स्टॅनलीने टार्गेट किंमत वाढवली Morgan Stanley।
मंगळवारी आपला अंदाज देताना, मॉर्गन स्टॅनली म्हणाले की, डिमर्जरच्या निर्णयावरून कंपनीला तिच्या व्यवसायावर विश्वास असल्याचे दिसून येते. आता टाटा मोटर्सला ती प्रवासी वाहन विभागात स्वतंत्रपणे व्यवसाय करू शकते असे वाटत आहे. यामुळे कंपनीचे मूल्य वाढेल. तज्ज्ञांनी टाटा मोटर्सची किंमत 1013 रुपये ठेवली आहे. सोमवारी तो 988 रुपयांवर बंद झाला. ब्रोकरेज फर्मने सुमारे 2.5 टक्के वाढ होण्याची शक्यता वर्तवली आहे.

टाटा मोटर्सच्या शेअर्समध्ये मोठी उसळी  Morgan Stanley।
मंगळवारी दुपारी ऑटोमोबाईल क्षेत्रातील दिग्गज टाटा मोटर्सचे शेअर्स मॉर्गन स्टॅनलीच्या अंदाजापेक्षा जास्त 1029.40 रुपयांवर व्यवहार करत होते. मागील सत्राच्या तुलनेत सुमारे 4.34 टक्के वाढ झाली आहे. मॉर्गन स्टॅन्ले यांना विश्वास आहे की कंपनीची ब्रिटीश संलग्न कंपनी जग्वार लँड रोव्हर आणि देशांतर्गत प्रवासी वाहन व्यवसाय देखील इलेक्ट्रिक विभागात चांगला व्यवसाय करेल.

नियामक फाइलिंगमध्ये दिली माहिती
टाटा समूहाची ऑटोमोबाईल कंपनी टाटा मोटर्सच्या संचालक मंडळाच्या बैठकीत हा निर्णय घेण्यात आला. नियामक फाइलिंगमध्ये असे सांगण्यात आले की, या डिमर्जरनंतर टाटा मोटर्सचा व्यावसायिक वाहन व्यवसाय एका वेगळ्या कंपनीमध्ये समाविष्ट केला जाईल. दुसऱ्या कंपनीत प्रवासी वाहने, इलेक्ट्रिक वाहने, JLR आणि संबंधित गुंतवणूक समाविष्ट केली जाईल. 2021 पासून, हे सर्व व्यवसाय वेगवेगळ्या सीईओंच्या देखरेखीखाली स्वतंत्रपणे काम करत आहेत. टाटा सन्सचे चेअरमन एन चंद्रशेखरन म्हणाले होते की, या डिमर्जरमुळे  ग्राहकांना चांगल्या सेवा मिळतील आणि शेअरधारकांचे मूल्यही वाढेल.