सप्टेंबर 2023 मध्ये अक्षय कुमारच्या वेलकम 3 म्हणजेच ‘वेलकम टू द जंगल’ चित्रपटाची घोषणा टीझरसह करण्यात आली. या टीझरमध्ये 30 हून अधिक कलाकार दिसले. या कलाकारांमध्ये सुनील शेट्टी, रवीना टंडन, दिशा पटानी, संजय दत्त, परेश रावल आणि जॉनी लीव्हर या नावांचा समावेश आहे. या चित्रपटाच्या टीझरपासूनच प्रक्षकांमध्ये या चित्रपटाबद्दल प्रचंड उत्सुकता निर्माण झाली होती.

या चित्रपटातून इतके कलाकार प्रथमच एका चित्रपटाच्या निमित्ताने एकत्रित आले आहेत. त्यानंतर वेलकम टू द जंगल हा चित्रपट २०२४ मध्ये रिलीज करण्यात येणार होता मात्र, परत एकदा या चित्रपटाची रिलीज डेट पुन्हा एकदा पोस्ट पोन करण्यात आली. आता या चित्रपटाचे दिग्दर्शक अहमद खान यांनी चित्रपटाच्या नव्या रिलीज डेटची घोषणा केली आहे. यामुळे वेलकम टू द जंगल चित्रपट कधी रिलीज होणार याविषयी प्रेक्षकांमध्ये चालणाऱ्या चर्चांना पूर्णविराम लागला आहे.

चित्रपटाचे दिग्दर्शक अहमद खान यांनी वेलकम टू द जंगल चित्रपट ख्रिसमस २०२५ च्या मूहूर्तावर रिलीज करण्यात येणार आहे.
चित्रपटातील सर्व पात्र एकमेकांशी भांडत आहेत. दोघांच्या भांडणात मध्येच तिसरी व्यक्ती येते. संपूर्ण चित्रपट असाच आहे. जे सहसा वास्तवात घडते तेच इथे चित्रपटात घडते, असे अहमद खान यांनी एका वाहिन्याला दिलेल्या मुलाखतीमध्ये म्हटले आहे.

ही तर अनोखी पर्वणी 

सर्व कलाकारांना एकत्र आणण्याचा विचार या चित्रपटाच्या निमित्ताने केला होता. शूट झालं होतं. या चित्रपटाच्या निमित्ताने फोटोशूटही झालं. व्हिडिओही बनवला. पण तारखा घेऊन? अनेक अडचणी समोर आल्या. चित्रपटात 34 कलाकार आहेत. फरीदा जलाल आहे, किरण कुमार आहे, आफताब, जॅकी श्रॉफ, हे सगळे आहेत. चित्रपट अनेकांनी भरलेला असल्याची माहिती खान यांनी दिली. त्यामुळे एवढ्या सगळ्या कलाकारांना एका चित्रपटाच्या निमित्ताने एकत्र पाहणे म्हणजे प्रेक्षकांसाठी अनोखी पर्वणी असल्याचे त्यांनी सांगितले.

54 व्हॅनिटी व्हॅन अन्…

सेटवर 54 व्हॅनिटी व्हॅन वेलकम टू द जंगलमध्ये उभ्या होत्या. तंत्रज्ञांची सुमारे 200 वाहने यायची. या वाहनांसाठी जागा कशी बनवायची, याचीही काळजी वाटत असल्याचे अहमद यांनी सांगितले. या चित्रपटात एकाच वेळी अनेक कलाकार सांभाळावे लागले असल्याचे त्यांनी सांगितले. असे अनेक अनुभव या चित्रपटाला घेऊन असल्याचे अहमद यांनी सांगितले.