केदारनाथ – लोकसभा निवडणुकांचा सातव्या आणि अंतिम टप्प्यातील प्रचार कालच सायंकाळी थंडावला असून प्रचाराच्या धामधुमीनंतर लगेचच पंतप्रधान नरेंद्र मोदी हे आज केदारनाथ येथे पूजाअर्चेसाठी आले आहेत. आज सकाळी 9 ते 9:30च्या सुमारास मोदी केदारनाथ येथे हेलिकॉप्टरद्वारे पोहचले असून आज तेथील एका गुहेमध्ये ते ध्यानधारणा करणार आहेत.
दरम्यान, सध्या मोदी केदारनाथ मंदिरापासून २ किलोमीटर अंतरावर असलेल्या गुहेपर्यंत पायी प्रवास करत पोहोचले असून ते आज या गुहेमध्ये ध्यानधारणा करणार आहेत. पंतप्रधान थोड्याच वेळात ध्यानासाठी बसणार असून ते उद्या सकाळपर्यंत याच गुहेत वास्तव्यास असणार आहेत. मोदी ध्यानस्थ अवस्थेत असताना कोणत्याही व्यक्तीस त्यांच्या जवळ जाऊ दिले जाणार नसून या वेळेमध्ये माध्यमांनादेखील त्यांची छायाचित्र घेण्यापासून मज्जाव करण्यात येणार आहे.
दरम्यान, ध्यानस्थ अवस्थेत जाण्यापूर्वी पंतप्रधान मोदींना माध्यम प्रतिनिधींनी विनंती केल्यामुळे मोदींनी माध्यमांना काही छायाचित्र घेण्यास परवानगी दिली होती.
Sources: Prime Minister Narendra Modi trekked 2 kms to the cave and on request of media allowed cameras to make initial visuals. PM will begin his meditation in a few hours which will last till tomorrow morning. No media or personnel will be allowed in the vicinity of the cave. https://t.co/8K3ZnE29kC
— ANI (@ANI) May 18, 2019