US-Iran War : अमेरिका आणि इराण यांच्यातील शांतता चर्चेत पाकिस्तानने बजावलेल्या महत्त्वपूर्ण मध्यस्थीच्या भूमिकेवरून काँग्रेसने सोमवारी मोदी सरकारवर जोरदार टीका केली आहे. पाकिस्तानचे लष्करप्रमुख फील्ड मार्शल असिम मुनीर हे अमेरिकेचे राष्ट्राध्यक्ष डोनाल्ड ट्रम्प यांचे लाडके बनणे हा भारताच्या राजनैतिक संबंधांसाठी प्रचंड धक्का असल्याचे काँग्रेसने म्हटले आहे. काँग्रेस नेते जयराम रमेश यांनी मोदी सरकारवर निशाणा साधताना म्हटले की, पंतप्रधान मोदींच्या जागतिक स्तरावरील कथानक व्यवस्थापन शैलीमुळे पाकिस्तानला एकाकी पाडणे शक्य झाले नाही. उलट, दहशतवादाला खतपाणी घालणाऱ्या पाकिस्तानला आता आंतरराष्ट्रीय स्तरावर एक नवीन राजनैतिक ओळख मिळाली आहे. रमेश यांच्या मते, ही स्थिती २००८ च्या मुंबई हल्ल्यानंतर डॉ. मनमोहन सिंग यांनी जे राजनैतिक यश साध्य केले होते, त्याच्या अगदी उलट आहे. US-Iran War असिम मुनीर यांच्या भूमिकेवर चिंता व्यक्त (US-Iran War) काँग्रेसने विशेषतः फील्ड मार्शल असिम मुनीर यांच्या भूमिकेवर चिंता व्यक्त केली आहे. ज्या मुनीर यांच्या भडकाऊ वक्तव्यांमुळे पहलगामसारखे दहशतवादी हल्ले झाले, ते आज राष्ट्राध्यक्ष ट्रम्प यांचे आवडते बनले आहेत. मुनीर आणि त्यांच्या सहकाऱ्यांनी भारतापेक्षा ट्रम्प कुटुंब आणि त्यांच्या जवळच्या वर्तुळाशी अधिक चांगले संबंध प्रस्थापित केले आहेत, हे उघड आहे. हे मोदींच्या परराष्ट्र धोरणाचे मोठे अपयश आहे, असा घणाघात रमेश यांनी केला. पाकिस्तानची आर्थिक स्थिती बिकट असून ते सौदी अरेबिया आणि कतारकडून घेतलेल्या ६ अब्ज डॉलर्सच्या कर्जावर अवलंबून आहेत, याकडेही काँग्रेसने लक्ष वेधले. बिकट आर्थिक अवस्था आणि दहशतवाद्यांना आश्रय देण्याचा इतिहास असूनही, पाकिस्तानने या शांतता चर्चेत मध्यस्थाची भूमिका मिळवली आहे, ही बाब भारतासाठी धोक्याची घंटा आहे. भारताला आपल्या राजनैतिक धोरणात संपूर्ण फेरबदल करण्याची गरज आहे, परंतु पंतप्रधान मोदी ते करण्यास असमर्थ आहेत, असे काँग्रेसने म्हटले आहे. US-Iran War हेही वाचा: Director Atlee : दिग्दर्शक अॅटली दुसऱ्यांदा झाला बाबा; घरी चिमुकल्या परीचे आगमन
