महाबळेश्वर : महागाई विरोधात शिवसेना-युवासेनेचे ‘थाळी बजाव’ आंदोलन
पाचगणी – युवा सेना महाबळेश्वर शाखेच्यावतीने जिल्हा नियोजन समिती सदस्य बंडूशेठ कुंभारदरे, युवासेना उपजिल्हाप्रमुख श्सचिन गोपाळ वागदरे, शहराध्यक्ष आकाश सुनील साळुंखे यांच्या प्रमुख मार्गदर्शनाखाली डिझेल, पेट्रोल, गॅस व जीवनावश्यक वस्तूंच्या महागाई व मोदी सरकार विरोधात महाबळेश्वर येथे नेताजी सुभाषचंद्र बोस चौकात थाळी बजाव आंदोलन करण्यात आले.
महागाई विरोधी घोषणा देण्यात आल्या. ज्याप्रमाणे मोदींनी करोना घालविण्यासाठी जनतेला थाळ्या वाजवायला सांगितल्या होत्या. त्याचप्रमाणे केंद्र सरकारने महागाई कमी करावी व जनतेला दिलासा द्यावा याची आठवण करून देण्यासाठी शिवसेनेच्यावतीने थाळी बजाव आंदोलन केले.
या आंदोलनात शिवसेना शहरप्रमुख राजाभाऊ गुजर, प्रवीण शिंदे, संजय ओंबळे, गौरव राक्षे, राजेंद्र पंडित, मिथलेश कानडे, उस्मान खारकंडे, राजेंद्र सोंडकर, राजू साळवी, आबा पारठे, दीपक ताथवडेकर, अशोक शिंदे आदी शिवसैनिक, पदाधिकारी उपस्थित होते.
