MLA Ganesh Naik। लोकसभेच्या निवडणुकीनंतर  राज्यात आता विधान परिषदेच्या शिक्षक आणि पदवीधर मतदारसंघाच्या निवडणुकीची रणधुमाळी सुरु झालीय. यामध्ये दोन शिक्षक आणि दोन पदवीधर मतदारसंघाची निवडणूक होत आहे. कोकण पदवीधर, मुंबई पदवीधर आणि नाशिक शिक्षक, मुंबई शिक्षक मतदारसंघासाठी निवडणूक आहे. सध्या या निवडणुकीसाठी प्रचार सुरू आहे. मनसेने कोकण पदवीधर मतदारसंघामधून माघार घेत महायुतीच्या उमेदवाराला पाठिंबा दिलाय.

कोकण पदवीधर मतदारसंघामधून भाजपचे निरंजन डावखरे हे उमेदवार आहेत. आज ठाण्यात निरंजन डावखरे यांच्या प्रचारासाठी महायुतीची सभा पार पडली. या सभेला उपमुख्यमंत्री देवेंद्र फडणवीस यांच्यासह आदी नेते उपस्थित होते. यावेळी भाजपाचे आमदार गणेश नाईक यांनी केलेल्या विधानाची राजकीय वर्तुळात चर्चा रंगली आहे.

प्रोटोकॉल म्हणून एकनाथ शिंदे मुख्यमंत्री MLA Ganesh Naik।

यावेळी बोलताना गणेश नाईक यांनी,“आता राज्याचे मुख्यमंत्री एकनाथ शिंदे आहेत. पण आमच्या दृष्टीकोनातून देवेंद्र फडणवीस हेच आमचे लीडर आहेत. मी तर ओपन बोलतो, म्हणजे प्रोटोकॉल म्हणून एकनाथ शिंदे राज्याचे प्रमुख आहेत. मात्र, पक्षाच्या अनुषंगाने देवेंद्र फडणवीस. त्यांच्या अनुषंगानेच भारतीय जनता पक्षाचा कारभार चालतो, तसेच तो भविष्यातही चालणार आहे”, असे भाष्य केले.

मोठ्या लोकांकडून कधी कधी छोट्या चुका होतात MLA Ganesh Naik।

आमदार गणेश नाईक पुढं म्हणाले, “मनसेचे अभिजीत पानसे यांना मागे टाकले. मात्र, ते योग्यवेळी पुढे येतील. ठाणे जिल्ह्यामध्ये ३३ टक्के मतदार आहेत. मोठ्या लोकांकडून कधी कधी छोट्या चुका होतात. मात्र, तुम्ही काळजीपूर्वक मतदान करा”, असं आवाहन आमदार गणेश नाईक यांनी यावेळी मतदारांना केलं. दरम्यान, यावेळी देवेंद्र फडणवीस यांनीही महायुतीच्या मेळाव्याच्या माध्यमातून विरोधकांवर भाष्य केलं.