प्रभात वृत्तसेवा पुणे – राज्य परीक्षा परिषदेच्या चौथी, सातवीसाठी शिष्यवृत्ती परीक्षेचा अभ्यासक्रम जाहीर झाला आहे. जानेवारीत परीक्षेची नोंदणी होणार असून एप्रिल – मे मध्ये परीक्षा होईल. चौथी, सातवीच्या परीक्षेत गणित, बुद्धिमत्ता चाचणी, प्रथम भाषा, इंग्रजी (तृतीय भाषा) या विषयांचा समावेश आहे. चौथीच्या अभ्यासक्रमामध्ये प्रथम भाषेसाठी आकलन, शब्दसंपत्तीवरील प्रभुत्व, कार्यात्मक व्याकरण, भाषाविषयक सामान्य ज्ञान, गणितामध्ये संख्याज्ञान, संख्यांवरील क्रिया, अपूर्णांक, मापन, आकृतीबंध, भूमिती, चित्रालेख, इंग्रजी तृतीय भाषेमध्ये शब्दसंग्रह, विरामचिन्हे, संख्या माहिती, व्याकरण, चिकित्सक विचार, बुद्धिमत्ता चाचणीसाठी आकलन, वर्गीकरण, सहसंबंध, क्रम ओळखणे, गटाशी जुळणारे पद, जलप्रतिबिंब, आरशातील प्रतिमा, तर्कसंगती, अनुमान, कूटप्रश्न, सांकेतिक भाषा असा अभ्यासक्रम आहे. सातवीच्या प्रथम भाषेसाठी आकलन, शब्दसंपत्तीवरील प्रभुत्व, कार्यात्मक व्याकरण, पहिली ते सातवीच्या मराठी विषयाशी संबंधित सामान्य ज्ञान, गणितासाठी संख्याज्ञान, संख्यांवरील क्रिया, भूमिती, महत्त्वमापन, सांख्यिकी, व्यावहारिक गणित, बीजगणित, इंग्रजी तृतीय भाषेसाठी शब्दसंपदा, शब्दकोडी, भाषा अभ्यास, व्याकरण, सर्जनशील लेखन, वाचन कौशल्य, आकलन, वर्गीकरण, सहसंबंध, क्रम ओळखणे, गटाशी जुळणारे पद, जलप्रतिबिंब, आरशातील प्रतिमा, तर्कसंगती, अनुमान, कूटप्रश्न, सांकेतिक भाषा, मनोरे असा अभ्यासक्रम आहे.
