Minta Devi on Priyanka Gandhi । बिहारमधील सिवान जिल्ह्यातील अर्जनीपूर या छोट्याशा गावातील गृहिणी मिंता देवी अचानक राष्ट्रीय स्तरावरील प्रसिद्धीझोतात आल्या. कारण – मतदार यादीत त्यांचे वय १२४ वर्षे नोंदवण्यात आले आणि त्यानंतर काँग्रेसच्या प्रियांका गांधी वाड्रा यांनी संसदेच्या आवारात त्यांचा चेहरा असलेला टी-शर्ट घालून निषेध केला. प्रत्यक्षात मिंता देवीचे वय ३५ वर्षे असले तरी, ही “असाधारण” चूक निवडणूक राजकारणात एक मोठा मुद्दा बनली. दरम्यान, आता या सगळ्यात मिंता देवी स्वतः या राजकीय नाट्यावर संतापल्या आहेत. मिंता देवी यांनी प्रियंका गांधींनी घेतलेल्या टी-शर्टवर संताप व्यक्त केला आहे. याविषयी बोलताना त्यांनी, “टी-शर्टवर माझा चेहरा छापून राजकारण करू नका, फक्त माझे मतदार कार्ड दुरुस्त करा.” असे म्हणत विरोधकांना खडसावले आहे. ३५ व्या वर्षी ‘१२४ वर्षे’ रेकॉर्ड कसा बनला ? अलीकडेच सिवान जिल्ह्यातील दरौंडा विधानसभा मतदारसंघाच्या मतदार नोंदणीत मिंता देवीचे नाव समाविष्ट करण्यात आले. आधार कार्डनुसार, त्यांची जन्मतारीख १५ जुलै १९९० आहे, परंतु नवीन जारी केलेल्या मतदार ओळखपत्रात, त्यांचे वय १२४ वर्षे नोंदवण्यात आले. मिंता देवी म्हणते—“मला एक-दोन महिन्यांपूर्वी मतदार ओळखपत्र मिळाले, पण मी नीट पाहिले नाही. काही दिवसांपूर्वी जेव्हा हे प्रकरण चर्चेत आले तेव्हा मी कार्ड पाहिले आणि मला आश्चर्य वाटले.”असे त्यांनी म्हटले. त्यांनी सांगितले की तिने बूथ लेव्हल ऑफिसर (BLO) मार्फत नोंदणी करण्याचा प्रयत्न केला होता, परंतु तिला यश आले नाही. नंतर तिने सायबर कॅफेमधून ऑनलाइन अर्ज केला आणि आधार कार्डच्या आधारे योग्य माहिती दिली. याविषयी बोलताना त्यांनी“ही चूक टाइप करताना किंवा नंतर झाली असावी.”असे म्हटले. प्रशासनाने चूक मान्य केली, दुरुस्तीची प्रक्रिया सुरू झाली जिल्हा प्रशासनाने ही बाब कारकुनी चूक म्हणून घोषित केली आहे आणि दुरुस्तीचे आश्वासन दिले आहे. दरौंधा येथील निवडणूक नोंदणी अधिकारी (ERO) यांनी जिल्हा निवडणूक अधिकाऱ्यांना लिहिलेल्या पत्रात म्हटले आहे की आधार कार्ड पडताळणीत मिंता देवीची योग्य जन्मतारीख १५ जुलै १९९० असल्याचे आढळून आले. सिवान जिल्हा जनसंपर्क कार्यालयाच्या म्हणण्यानुसार, १ ऑगस्ट २०२५ रोजी मतदार यादीचा मसुदा प्रकाशित झाल्यानंतर, BLO ने चूक लक्षात घेतली आणि मिंता देवीशी संपर्क साधला. १० ऑगस्ट रोजी तिने फॉर्म-८ सादर केला आणि आता नियमांनुसार वय दुरुस्त केले जाईल. प्रियंका गांधींचा निषेध आणि मिंता देवीची नाराजी Minta Devi on Priyanka Gandhi । काँग्रेस खासदार प्रियंका गांधी वाड्रा आणि त्यांच्या टीमने “मतदार चोरी” च्या निषेधार्थ चेहरा असलेले टी-शर्ट परिधान केल्याने मिंता देवीचे प्रकरण आणखी तापले. संसदेच्या आवारात झालेल्या या निषेधामुळे माध्यमांमध्ये मथळे आले, परंतु मिंता देवीसाठी ही ‘अवांछित चर्चा’ होती. त्या म्हणाल्या, “टी-शर्टवर माझा चेहरा छापणारी प्रियंका गांधी कोण आहे? मी सकाळपासून नाराज आहे – मला सतत फोन येत आहेत, पत्रकार घरी पोहोचत आहेत. मला राजकारणात ओढणे चुकीचे आहे.”असे म्हणत त्यांनी या सर्वांवर मोठी नाराजी व्यक्त केली आहे. विरोधी पक्षांचा हल्ला, सरकारवर टीका Minta Devi on Priyanka Gandhi । विरोधी पक्ष ‘इंडीया अलायन्स’ने या चुकीला निवडणूक प्रक्रियेतील गंभीर त्रुटी म्हटले. तसेच हे सगळे निवडणूक आयोगाच्या निष्काळजीपणाचे पुरावे असल्याचे म्हटले. संसदेच्या आवारात अनेक खासदारांनी “मिंता देवी १२४ नॉट आउट” असे लिहिलेले टी-शर्ट परिधान करून निषेध करत सरकारवर हल्लाबोल केला. मिंता देवी आणि त्यांचे पती धनंजय कुमार सिंह यांनी,”मतदार यादीच्या विशेष सघन पुनरावृत्ती (SIR) दरम्यान कोणताही अधिकारी त्यांच्या घरी गेला नाही. त्यांचा आरोप आहे की BLOs गावात एकाच ठिकाणी बसून माहिती गोळा करतात, ज्यामुळे अशा चुका होतात. धनंजय म्हणाले, “आम्हाला राजकारणात ओढण्यापेक्षा आमची कागदपत्रे वेळेवर दुरुस्त करणे चांगले.”असे त्यांनी म्हटले आहे. १२४ वर्षांच्या या चुकीमुळे हे स्पष्ट झाले आहे की मतदार यादीतील तांत्रिक किंवा मानवी चुका राजकीय शस्त्र कसे बनू शकतात. विरोधी पक्ष याला निवडणूक घोटाळ्याचा पुरावा म्हणून सादर करत आहेत, तर प्रशासन याला फक्त ‘टायपिंग चूक’ म्हणत आहे आणि ती दुरुस्त करण्याचे आश्वासन देत आहे. मध्येच अडकलेल्या मिंता देवी फक्त तिचे नाव आणि वय दुरुस्त करू इच्छितात, जेणेकरून पुढच्या वेळी कोणीही ‘मतदार चोरी’ दाखवण्यासाठी तिचा फोटो वापरू नये.
