MI vs RR : IPL 2024 मध्ये आज रात्री 8 वाजता, पाच वेळा चॅम्पियन मुंबई इंडियन्सचा सामना एक वेळच्या चॅम्पियन राजस्थान रॉयल्सशी होणार आहे. हा एक मोठा सामना आहे कारण एका बाजूला सर्वाधिक वेळा विजेतेपद जिंकणारा मुंबई संघ आहे, जो सध्या गुणतालिकेत शेवटच्या स्थानावर आहे. दुसरीकडे, राजस्थान रॉयल्स संघ आपल्या उत्कृष्ट कामगिरीनंतर गुणतालिकेत तिसऱ्या स्थानावर आहे.

या सामन्यात असे अनेक स्टार खेळाडू असतील ज्यांच्यावर चाहत्यांच्या नजरा असणार आहेत. याशिवाय मुंबईचा संघ आपल्या घरच्या मैदानावर वानखेडे स्टेडियमवर खेळण्याची या मोसमातील ही पहिलीच वेळ असेल. या मैदानावर रोहित शर्माचे आकडे उत्कृष्ट आहेत. | MI vs RR

इंडियन प्रीमियर लीगच्या इतिहासात मुंबई इंडियन्स आणि राजस्थान रॉयल्स यांच्यातील स्पर्धा खूप जुनी आहे. आयपीएलच्या इतिहासात आतापर्यंत मुंबई आणि राजस्थानचे संघ २७ वेळा आमनेसामने आले आहेत. या सामन्यांमध्ये मुंबई इंडियन्सचे वर्चस्व दिसून आले, त्यांनी 15 सामने जिंकले. राजस्थानचा संघही मागे नसून त्यांच्या नावावर 12 विजय आहेत. आता आयपीएलच्या 17 व्या सिजनमध्ये हे दोन संघ प्रथमच भिडतील. | MI vs RR

खेळपट्टी कशी ?
हार्दिक पांड्याच्या नेतृत्वाखालील मुंबई इंडियन्स संघाने चालू मोसमात आतापर्यंतचे दोन्ही सामने गमावले आहेत आणि आता ते या मोसमात प्रथमच घरच्या मैदानावर खेळणार आहेत. मुंबईच्या वानखेडे स्टेडियमवर राजस्थान रॉयल्सविरुद्ध खेळताना मुंबई संघाला याचा फायदा घ्यायला आवडेल. या मैदानावर आतापर्यंत 109 आयपीएल सामने खेळले गेले आहेत. | MI vs RR

येथील खेळपट्टी फलंदाजांसाठी चांगली विकेट मानली जाते, त्यामुळे येथे धावांचा पाऊस पडणे निश्चित मानले जात आहे. या मैदानावर सर्वाधिक 235 धावांची नोंद मुंबई संघाच्या नावावर आहे. तर सर्वात लहान धावसंख्या केकेआरच्या (६७ धावा) नावावर आहे.

येथे प्रथम फलंदाजी करणाऱ्या संघाने सरासरी १६९ धावा केल्या. सुरुवातीच्या षटकांमध्ये वेगवान गोलंदाज नक्कीच काही विकेट घेऊ शकत असले तरी येथे गोलंदाजीवर फिरकीपटूंचे वर्चस्व आहे. | MI vs RR

मुंबईच्या वानखेडे स्टेडियमवर मुंबई इंडियन्स आणि राजस्थान रॉयल्सच्या ऐतिहासिक आकडेवारीबद्दल बोलायचे झाले तर, हे दोन्ही संघ आतापर्यंत सर्वाधिक वेळा या प्रतिष्ठित मैदानावर आमनेसामने आले आहेत. वानखेडे स्टेडियमवर मुंबई आणि राजस्थान यांच्यात आयपीएलचे 8 सामने झाले आहेत. या आठ सामन्यांपैकी यजमान मुंबई संघाने 5 सामने जिंकले, तर राजस्थान संघानेही तीन सामने जिंकले.

गेल्या वर्षी या मैदानावर जेव्हा हे दोन्ही संघ आमनेसामने आले तेव्हा राजस्थान रॉयल्सने यशस्वी जैस्वालच्या (१२४ धावा) शानदार खेळीच्या जोरावर ७ गडी बाद २१२ धावा केल्या होत्या. मात्र, एवढी चमकदार कामगिरी करूनही मुंबईने 19.3 षटकांत 4 गडी गमावून लक्ष्य गाठल्याने राजस्थानला पराभवाला सामोरे जावे लागले.