नवी दिल्ली – डॉलर आणि युरोच्या तुलनेत रुपयाचे आतापर्यंत पाच टक्के अवमूल्यन झाले आहे आणि आगामी काळाबाबतही संदिग्ध परिस्थिती आहे. अशा परिस्थितीत आगामी वर्षात दर तिमहिला आपल्या वाहनाच्या दरात वाढ करण्याच्या शक्यतेवर मर्सिडीज बेंझ कंपनी विचार करीत असल्याचे या कंपनीचे व्यवस्थापकीय संचालक संतोष अय्यर यांनी सांगितले. याच कारणामुळे कंपनीने एक जानेवारीपासून आपल्या विविध वाहनांच्या दरात दोन टक्क्यापर्यंत वाढ जाहीर केली आहे. 2025 मध्ये रुपयाच्या तुलनेत युरोचा भाव शंभर रुपयांपेक्षा जास्त राहिला आहे. त्याचबरोबर हा भाव वेगाने कमी जास्त होत आहे. मर्सिडीज बेंज कंपनीला युरोपातून बरेच सुटे भाग आयात करावे लागतात. कारण या कंपनीचे मुख्यालय जर्मनीमध्ये आहे. अशा परिस्थितीत कंपनीला युरोपातून महाग सुट भागाची आयात करावी लागत असल्याचे त्यांनी सांगितले. फिक्कीने वाहन उद्योगासदर्भात आयोजित केलेल्या कार्यक्रमात पत्रकारांशी बोलताना अय्यर यांनी सांगितले की, अशा परिस्थितीत आम्हाला ग्राहकांना आमची भूमिका समजावी, यासाठी आम्ही तर तिमहिला दरवाढ करण्याचा विचार करीत असल्याचे स्पष्ट करीत आहोत. ते म्हणाले की, 18 महिन्यापूर्वी युरोचा भाव 89 रुपये प्रति युरो होता. तो आता 104 ते 5 रुपये प्रति रुपये या पातळीवर गेला आहे. या कालावधीत युरोच्या तुलनेत रुपयाचे पंधरा ते अठरा टक्क्यांनी अवमूल्यन झाले आहे. रुपयाचे मूल्य कमी झाल्यामुळे ही दरवाढ एकदाच करण्याऐवजी प्रत्येक तिमाहीला काही प्रमाणात केली जाणार आहे.
