<p style="font-weight: 400;"><strong>मंचर –</strong> निरगुडसर गाव येथे करोनाबाधित रुग्ण आढळल्याने खबरदारीची उपाययोजना म्हणून मेंगडेवाडी गाव सोमवार (दि. 25) ते बुधवार (दि. 27) पर्यंत बंद ठेवण्यात येणार आहे, असा निर्णय निवडक ग्रामस्थांच्या बैठकीमध्ये घेण्यात आला.</p> <p style="font-weight: 400;">मेंगडेवाडीत अत्यावश्यक सेवा (दूध, पेट्रोल, पाणी) वगळता पूर्णपणे बंद राहील. बाहेरगावारून मेंगडेवाडीत आलेल्या नागरिकांनी घरात क्वारंटाइन राहावे. ज्यांची घर स्वतंत्र राहण्याची व्यवस्था नसेल त्यांची सोय प्राथमिक शाळेमध्ये करण्यात आलेली आहे.</p> <p style="font-weight: 400;">बाहेर फिरताना दिसल्यास कायदेशीर कारवाई करण्यात येईल, तसेच पोलीस ठाण्यामध्ये गुन्हा दाखल करण्यात येईल. गावात जनता कर्फ्यू असल्यामुळे कुणीही घराबाहेर पडू नये, असे आवाहन करण्यात आले आहे.</p>
