सध्या मराठी चित्रपट सृष्टीत अनेक आशयघन सिनेमे येत आहेत. या सिनेमातील विषय प्रेक्षकांच्या पसंतीची पोच पावती मिळवत आहेत. आता लवकरच म्हणजे वाघाचे पंजे हा मराठी चित्रपट प्रेक्षकांच्या भेटीला येणार आहे. नुकतेच या चित्रपटाचे मोशन पोस्टर लॅान्ज करण्यात आले आहे. या चित्रपटातील स्टारकास्ट तगडी असून चित्रपटातील विषय वेगळ्या धाडणीचा असल्याचे सांगितले जात आहे. यामुळे प्रेक्षकांना वाघाचे पंजे चित्रपटाबद्दल उत्सुकता लागलेली आहे. एका नवोदित अभिनेत्रीची हि पहिलीच डेब्यू फिल्म असणार आहे.

या चित्रपटाचे दिग्दर्शन स्वरुप सावंत यांनी केली आहे. तर संकलन देखील स्वरुप सावंतच करणार आहेत. चित्रपटात मुख्य भूमिकेत नवोदित अभिनेत्री तमन्ना बांदेकर असणार आहे. तिच्या मराठी चित्रपटातील ही पहिलीच डेब्यू फिल्म असणार आहे. तिचा अभिनय पाहण्यासाठी प्रेक्षकांमध्ये उत्सुकता निर्माण झाली आहे. चित्रपटाला संगीत हर्षवर्धन वावरे आणि त्रिनीती ब्रोस यांनी संगीत दिलं आहे. तसेच लेखक म्हणून संजय नवगिरे यांनी बाजू सांभाळली आहे. चित्रपटाच्या छायाचित्रकाराची जबाबदारी वीरधवल पाटील यांनी सांभाळली आहे.

या चित्रपटात तगडी स्टारकास्ट सर्वांचे लक्ष वेधून घेणार आहे. सौरभ गोखले, निखिल चव्हाण, संजय नार्वेकर, चिन्मय उदगीरकर, मेघराज भोसले, दिपाली सय्यद, प्राजक्ता हनमगार, अनिल नगरकर, घनश्याम दोरोडे, सिद्धेश्वर झाडबुके हे कलाकार देखील अभिनय करताना दिसणार आहेत. ‘म्हणजे वाघाचे पंजे’ हा चित्रपट रोमँटिक आशयघन चित्रपट लवकरच रसिक प्रेक्षकांच्या भेटीला येणार आहे.