Vishwambhara Movie Chiranjeevi | दाक्षिणात्य अभिनेता चिरंजीवीच्या चित्रपटांची प्रेक्षक नेहमीच आतुरतेने वाट पाहत असतात. त्याने साकारलेल्या सर्वच चित्रपटांमधील व्यक्तीरेखेला प्रेक्षकांची पसंती मिळाली. सध्या चिरंजीवी त्याच्या आगामी विश्वंभरा चित्रपटामुळे चर्चेत आहे. हनमान जयंती दिवशी चिरंजीवीने त्याच्या चाहत्यांना एक सरप्राईज गिफ्ट दिले आहे. त्याच्या आगामी विश्वंभरा चित्रपटातील एक गाण रिलीज करण्यात आले आहे.

या चित्रपटाचा टीझर आधीच प्रदर्शित झाला असून त्याला चांगला प्रतिसाद मिळाला आहे. आता या चित्रपटातील गाण रिलीज झाल्याने प्रेक्षकांची विश्वंभराबद्दची उत्सुकता वाढली आहे. मेगास्टार चिरंजीवीचा ‘विश्वंभरा’ आता पोस्ट-प्रॉडक्शन टप्प्यात आहे. प्रेक्षकांमध्ये चित्रपटाबाबत उत्सुकता निर्माण व्हावी या हेतूने चित्रपटाच्या निर्मात्यांनी चित्रपटातील गाणं रिलीज केले आहे. ‘रामा रामा’ हे गाण यूट्यूबवर रिलीज झाले आहे.

हे गाणे भगवान प्रभू श्री रामांना समर्पित असल्याचे दिसते. सरस्वतीपुत्र रामजोगय्या शास्त्री यांनी हे गाणे लिहिले आहे. तर शंकर महादेवन आणि लिप्सिका यांनी हे गाणं गायले आहे. या गाण्यावर मेगास्टार चिरंजीवीच्या अनोख्या नृत्याने सर्वांचे लक्ष वेधून घेतले आहे. एमएम कीरावानी यांनी या भक्तीगीतासाठी आकर्षक सूर तयार केले आहेत. आता हे गाणे सोशल मीडियावर तुफान व्हायरल होत आहे.

मल्लिदी वशिष्ठ लिखित आणि दिग्दर्शित ‘विश्वम्भरा’ या चित्रपटाची कथा एका सामाजिक मुद्द्यावर आधारित असणार आहे. या चित्रपटात त्रिशा आणि चिरंजीवी यांच्यासोबत सुरभी, रम्या पासुपुलेती, ईशा चावला आणि अश्रिता वेमुगंती नांदुरी यांसारख्या दिग्गज कलाकारांच्या प्रमुख भूमिका आहेत. या चित्रपटाला संगीत प्रसिद्ध संगीतकार एमएम कीरावानी यांनी दिले आहे. तर चित्रपटाची निर्मिती यूव्ही क्रिएशन्सने केली आहे. चित्रपटाच्या प्रदर्शनाची तारीख अद्याप जाहीर करण्यात आलेली नाही.