Raj Thackeray – महाराष्ट्राच्या विधानसभा निवडणुकीचा निकाल जाहीर झाला असून याच पार्श्वभूमीवर महाराष्ट्र नवनिर्माण सेना प्रमुख राज ठाकरे यांनी तातडीची बैठक बोलावली आहे.
उद्या सोमवारी सकाळी राज ठाकरे यांच्या दादर येथील शिवतीर्थ या निवासस्थानी बैठक बोलावली आहे. मनसेचे प्रमुख नेते या बैठकीसाठी उपस्थित राहणार आहेत. त्यामुळे या बैठकीत राज ठाकरे काय बोलणार तसेच बैठकीत काय महत्त्वाचा निर्णय घेतला जाणार याकडे लक्ष असणार आहे.
मनसेने यंदाच्या विधानसभा निवडणुकीत 128 मतदारसंघात उमेदवार उभे केले होते. मात्र, मनसेचा एकही उमेदवार निवडून आला नाही. तसेच मनसेचे एकमेव आमदार राजू पाटील हे देखील पराभूत झाले आहेत.
माहीम विधानसभा मतदारसंघात अमित ठाकरे यांचा देखील पराभव झाला आहे. विधानसभा निवडणुकीत झालेल्या या दारुण पराभवानंतर राज ठाकरे यांनी बैठक बोलावली आहे.
