Budget 2024 । अर्थमंत्री निर्मला सीतारामन यांनी आज लोकसभेत देशाचा सर्वसाधारण अर्थसंकल्प सादर केला. मोदी सरकारच्या तिसऱ्या कार्यकाळातील हा पहिलाच अर्थसंकल्प होता आणि याकडे संपूर्ण देशाचे लक्ष लागून होते. आंध्र प्रदेश आणि बिहारच्या विकासासाठी आणि तरुणांना रोजगार देण्यासाठी अर्थसंकल्पात मोठ्या घोषणा करण्यात आल्या. सरकारने मध्यमवर्गीयांसाठीही मोठी घोषणा केली आहे. मोदी सरकारने 7 लाख 75 हजार रुपयांपर्यंतचे उत्पन्न करमुक्त केले आहे. याशिवाय कर्करोगाची तीन औषधे, सोन्या-चांदीचे दागिने आणि चामड्याच्या वस्तूही स्वस्त करण्यात आल्या आहेत.

दरम्यान, बसपा प्रमुख मायावती यांनी केंद्रीय अर्थसंकल्प 2024 वर प्रश्न उपस्थित केले आहेत. त्यांनी लिहिले की,’आज संसदेत सादर करण्यात आलेला केंद्रीय अर्थसंकल्प जुन्या धर्तीवर देशातील गरीब, बेरोजगार, शेतकरी, महिला, कष्टकरी, वंचित आणि उपेक्षित बहुजनांना त्यांच्या त्रासदायक जीवनातून मुक्त करण्यासाठी ‘अच्छे दिन’च्या आशेने भरलेला आहे. मूठभर श्रीमंत आणि अब्जोपती  सोडले तर सर्व सामान्यांना निराशा या  अर्थसंकल्पातून मिळाली आहे.

देशात प्रचंड गरिबी, बेरोजगारी, महागाई, मागासलेपण आणि 125 कोटींहून अधिक दुर्बल घटकांच्या उन्नतीसाठी आणि त्यांना आवश्यक असलेल्या मूलभूत सुविधांबाबत या नवीन सरकारमध्ये अपेक्षित सुधारणावादी धोरण आणि हेतूचा अभाव आहे.

अर्थसंकल्पातील अशा तरतुदींमुळे लोकांचे जीवन सुखकर आणि समृद्ध होईल का? उत्पन्नासारखी मूलभूत प्रगती सर्वांनी मिळून अनुभवली पाहिजे. रेल्वेचा विकासही खूप महत्त्वाचा आहे. सरकारने बसपा सरकारप्रमाणे प्रत्येक हाताला काम दिले पाहिजे.