वडगाव मावळ – दिवाळी सणानिमित्त आलेल्या सलग सुट्ट्यांमुळे मावळ तालुक्यात पर्यटकांची मोठी गर्दी झाली होती. निसर्गरम्य पर्यटनस्थळे, ऐतिहासिक किल्ले, धरण परिसर आणि थंड हवेच्या ठिकाणांना भेट देण्यासाठी पुणे, पिंपरी-चिंचवड, मुंबईसह विविध भागांतून पर्यटक मावळात दाखल झाले होते.

पर्यटनासोबतच येथील खाद्यसंस्कृतीचा आस्वाद घेण्यासाठी खवय्यांनीही मोठ्या संख्येने हॉटेल्स आणि खानावळींकडे धाव घेतली. दिवाळीच्या सुट्ट्यांचा आनंद घेण्यासाठी अनेकांनी कुटुंबीय आणि मित्रमंडळींसोबत पर्यटनाचे नियोजन केले होते.

शहरातील दैनंदिन धावपळ आणि कामाच्या व्यापातून काही दिवस निवांत वेळ घालवण्यासाठी पर्यटकांनी मावळाला पसंती दिली. लोणावळा, खंडाळा, कार्ला, भाजे, पवनानगर, पवना धरण परिसर, तुंग, तिकोना आणि लोहगड परिसरात पर्यटकांची वर्दळ वाढली होती.

दिवसभर पर्यटनस्थळांना भेट दिल्यानंतर जेवणासाठी पर्यटकांनी स्थानिक हॉटेल्सना पसंती दिली. काही ठिकाणी दुपारच्या आणि रात्रीच्या जेवणाच्या वेळेत ग्राहकांची गर्दी वाढली होती. अनेक हॉटेल्समध्ये टेबल मिळण्यासाठी प्रतीक्षा करावी लागत होती.

मित्रमंडळींच्या ग्रुपने तसेच कुटुंबीयांनी एकत्रित जेवणाचा आनंद घेतला. पर्यटनाचा दिवस संपवताना चविष्ट जेवणाचा आस्वाद घेण्याकडे पर्यटकांचा कल असल्याचे दिसून आले. हॉटेल्समध्ये शाकाहारी आणि मांसाहारी जेवणासह विविध पारंपरिक पदार्थांना विशेष मागणी होती. गावरान पद्धतीचे जेवण, भाकरी, पिठलं-भाकरी, मिसळ आणि वडापाव यांसारख्या पदार्थांचा आस्वाद घेण्यासाठी खवय्यांनी गर्दी केली होती.

शहरातील हॉटेल्समध्ये नेहमी मिळणाऱ्या पदार्थांपेक्षा वेगळी चव अनुभवण्यासाठी अनेक पर्यटक स्थानिक हॉटेल्सचा शोध घेत होते. गावरान मसाले, पारंपरिक पद्धतीने तयार केलेले पदार्थ आणि जेवणासोबत मिळणारे विविध पर्याय यामुळे स्थानिक खाद्यसंस्कृती पर्यटकांसाठी आकर्षण ठरली.

नावीन्यपूर्ण थाळ्यांनी वेधले लक्ष
काही हॉटेल्समध्ये खास थाळ्यांचे आकर्षण पाहायला मिळाले. वेगवेगळ्या नावांनी आणि वेगवेगळ्या प्रमाणात उपलब्ध असलेल्या या थाळ्यांना खवय्यांकडून पसंती मिळाली. बकासुर कडकनाथ थाळी, सरकार मटण थाळी, पैलवान मटण थाळी, स्पेशल रावण थाळी आणि बुलेट थाळी अशा नावीन्यपूर्ण थाळ्यांनी ग्राहकांचे लक्ष वेधले.

मोठ्या थाळ्यांमध्ये एकापेक्षा अधिक जणांना जेवणाचा आनंद घेता येत असल्याने मित्रमंडळी आणि कुटुंबीयांच्या समूहासाठी त्या आकर्षण ठरल्या.

सी-फूडप्रेमींसाठीही खास मेजवानी
मांसाहारी पदार्थांसोबतच सी-फूडप्रेमींसाठी मालवणी फिश थाळीचा पर्याय उपलब्ध आहे. दोन ते तीन जणांसाठी असलेल्या या थाळीतून मालवणी चवीचा आस्वाद घेता येतो. याशिवाय आमदार थाळी आणि बिग बॉस थाळी यांसारख्या विशेष थाळ्याही काही हॉटेल्समध्ये ग्राहकांना आकर्षित करतात.

विविध पदार्थांचा समावेश, मोठ्या प्रमाणातील जेवण आणि वेगळी नावे यामुळे या थाळ्यांविषयी खवय्यांमध्ये उत्सुकता दिसून येते. विशेषतः पर्यटनासाठी आलेल्या समूहांकडून अशा थाळ्यांना पसंती दिली जात आहे.

तरुणाईलाही हॉटेल व्यवसायाचे आकर्षण 
हॉटेलच्या लोकप्रियतेमुळे अनेक तरुण हॉटेल व्यवसायाकडे आकर्षित होत आहेत. व्यवसाय सुरू करण्यापूर्वी काही युवक अतुल वायकर यांचे मार्गदर्शन घेत आहेत.

तसेच महाविद्यालयीन तरुण-तरुणी विविध प्रकल्पांच्या निमित्ताने शिवराज हॉटेलला भेट देऊन हॉटेल व्यवस्थापन, खाद्यपदार्थांची गुणवत्ता आणि व्यवसायाच्या कार्यपद्धतीची माहिती घेत आहेत. याबाबत बोलताना गुणवत्तेमुळेच शिवराज हॉटेल लोकप्रिय झाले आहे.

हे यश पाहून अनेक युवक हॉटेल व्यवसायात येण्यापूर्वी माझे मार्गदर्शन घेत आहेत. महाविद्यालयीन तरुण-तरुणीही प्रकल्पांसाठी हॉटेलला भेट देत आहेत.

त्यामुळे एकदा शिवराज हॉटेलमधील खाद्यपदार्थ चाखून पाहा, तुम्हाला तुमच्या प्रश्नाचे उत्तर मिळेल, अशी प्रतिक्रिया शिवराज हॉटेलचे संचालक अतुल वायकर यांनी दिली.

Satara: वीजनिर्मिती प्रकल्पाच्या नावाखाली डेटा सेंटर; नरेश देसाई यांचा आरोप