प्राजक्ता म्हणाली, “हे लाइव्ह खास आपल्या ब्रँडसाठी आहे. तीन-सव्वातीन वर्षांपूर्वी हा व्यवसाय सुरू केला तेव्हा मला बिझनेसची फारशी माहिती नव्हती. भावना आणि आवडीपोटी हा प्रवास सुरू झाला. पण आज महाराष्ट्रासोबत देशभर आणि परदेशातूनही मोठा प्रतिसाद मिळतो आहे.”

तिने पुढे सांगितले की, वाढत्या मागणीमुळे शिपिंग आणि व्यवस्थापनात अनेक अडचणी येत होत्या. त्या पार्श्वभूमीवर अधिक व्यापक आणि संस्कृतीशी जोडलेली ओळख निर्माण करण्यासाठी ‘प्राजक्तसाज – Reviving Maharashtra’s Legacy’ हे नाव निवडण्यात आले.

Prajakta Mali |

नाव बदललं, पण लोगो तोच !

ब्रँडचे नाव बदलले असले तरी लोगो मात्र कायम ठेवण्यात येणार आहे. नवीन लोगो शोधण्याचा प्रयत्न केला, पण विद्यमान लोगोइतका सुंदर पर्याय मिळाला नाही, असे प्राजक्ताने स्पष्ट केले. तसेच ब्रँडशी जोडलेले तिचे हस्ताक्षर देखील तसेच राहणार आहे. असं देखील ती म्हणाली.

राज ठाकरे यांच्या हस्ते झाले होते उद्घाटन :

जानेवारी २०२३ मध्ये या ब्रँडचे अधिकृत उद्घाटन मनसे अध्यक्ष राज ठाकरे यांच्या हस्ते पार पडले होते. त्या वेळी ‘प्राजक्तराज’ या नावामागील कारण सांगताना प्राजक्ताने म्हटले होते की, “‘राज’ या शब्दात एक भारदस्तपणा आहे. कोणत्याही शब्दाला ‘राज’ जोडल्यावर त्याची ओळख अधिक प्रभावी वाटते.”

अभिनेत्री प्राजक्ता माळीचा प्रेरणादायी प्रवास :

‘प्राजक्ता माळी’चा प्रवास हा मेहनत, सातत्य आणि प्रयोगशीलतेचा उत्तम नमुना मानला जातो. मराठी मालिकांमधून अभिनय कारकिर्दीची सुरुवात करून ‘जुळून येती रेशीमगाठी’सारख्या मालिकांमुळे ती लोकप्रिय झाली. तसेच चित्रपट, नृत्य आणि रंगभूमीवरही आपला खास ठसा निर्माण केला आहे.

‘महाराष्ट्राची हास्यजत्रा’ या कार्यक्रमामुळे प्रचंड लोकप्रियता मिळाली आहे. कलाक्षेत्रात यश मिळवत असतानाच महाराष्ट्राच्या पारंपरिक दागिन्यांना आधुनिक स्वरूप देण्याच्या उद्देशाने तिने ज्वेलरी व्यवसाय सुरू केला. आज तिचा ब्रँड सांस्कृतिक वारसा आणि आधुनिक फॅशन यांचा संगम म्हणून ओळखला जातो.

Prajaktta Mali Video : अभिनेत्री प्राजक्ता माळीचा सर्वात मोठा निर्णय; दागिन्यांच्या ब्रँड बद्दल केली महत्वाची घोषणा