Manipur Violence : मणिपूरमध्ये (Manipur Violence) सोमवारी जंगलातून लाकूड आणण्यासाठी गेलेल्या तिघांची अतिरेक्यांनी गोळ्या झाडून हत्या केली. या घटनेनंतर स्थानिक लोकांनी इंफाळमध्ये मुख्यमंत्र्यांच्या निवासस्थानाबाहेर मृतदेह ठेवून निदर्शने केली. ही घटना इंफाळ पूर्व आणि कांगपोकपी जिल्ह्यांच्या सीमेवर घडली.

अरुबम रोनिल (३५) आणि लैरेनलाकपम इनाओबी (५१) यांचा घटनास्थळीच मृत्यू झाला, तर क्षेत्रिमायुम सुशील (३२) यांचा खासगी रुग्णालयात उपचारादरम्यान मृत्यू झाला. जखमींमध्ये एन. सूरज (१९), मेइसनाम सोमेंद्रो (५३) आणि के. बोसन (४५) यांचा समावेश असून त्यांच्यावर उपचार सुरू आहेत. मिळालेल्‍या माहितीनुसार, गोळीबारात चार जण जखमी झाले असून तीन जण अद्याप बेपत्ता आहेत.

ही घटना कांगपोकपी येथील खोंगबाल सुनुरोक उयोक येथे घडली. हे ठिकाण इंफाळ पूर्वेतील नोंगशुम गावापासून काही मीटर अंतरावर आहे. सोमवारी सकाळी सुमारे ७ वाजता १६ जण लाकूड आणण्यासाठी (Manipur Violence) डोंगरावर गेले होते. त्याच वेळी दबा धरून बसलेल्‍या अतिरेक्यांनी त्यांच्यावर हल्ला केला. यानंतर संतप्त स्थानिक लोकांनी मृतदेह राज्याची राजधानी इंफाळ येथे आणले.

त्यांनी बाबूपारा येथील मुख्यमंत्र्यांच्या निवासस्थानाच्या मुख्य प्रवेशद्वाराबाहेर मृतदेह ठेवत मे २०२३ पासून राज्यात सुरू असलेल्या हिंसाचाराचा निषेध करण्यासाठी स्थानिक लोकांनी आंदोलन केले. याप्रसंकी पोलिसांनी आंदोलकांना पांगवण्यासाठी अश्रूधुराच्या नळकांड्या फोडल्या. त्यानंतर मृतदेह जवाहरलाल नेहरू इन्स्टिट्यूट ऑफ मेडिकल सायन्सेसमध्ये नेण्यात आले.

तसेच मुख्यमंत्र्यांचे निवासस्थान आणि तिथे जाणाऱ्या मार्गांवर सुरक्षा व्यवस्था कडक करण्यात आली आहे. दुसरीकडे आक्रमक झालेल्‍या आंदोलकांनी खुराई लमलॉन्ग येथे रस्ता अडवला, तर इंफाळमधील इमा कैथेल येथे महिलांच्या गटाने निदर्शने केली. या घटनेनंतर संपूर्ण इंफाळमधील बाजारपेठा आणि दुकाने बंद ठेवण्यात आली होती. दरम्‍यान, मुख्यमंत्री वाय. खेमचंद सिंग यांनी खासगी रुग्णालयात जाऊन जखमींची विचारपूस केली. मात्र त्यांनी माध्यमांच्या (Manipur Violence) कोणत्याही प्रश्नांना उत्तरे दिली नाहीत.