Manipur News : मणिपूरच्या (Manipur News) दोन जिल्ह्यांमध्ये वेगवेगळ्या बंदी घातलेल्या संघटनांशी संबंधित दोन महिलांसह तीन दहशतवाद्यांना अटक करण्यात आली आहे, असे पोलिसांनी रविवारी सांगितले. शनिवारी तेंगनुपाल आणि इम्फाळ पूर्व जिल्ह्यांमध्ये अटक करण्यात आली, असे पोलिसांनी निवेदनात म्हटले आहे. तेंगनुपाल जिल्ह्यातील सनराईज ग्राउंडच्या परिसरातून सुरक्षा दलांनी बंदी घातलेल्या पीपल्स लिबरेशन आर्मी (पीएलए) या संघटनेच्या दोन महिला कार्यकर्त्यांना अटक केली. त्यांची ओळख अकोइजाम सखेनबी (२३) आणि चोंगथम हेम्बाबी (१७) अशी झाली आहे. बंदी घातलेल्या प्रेपाक (प्रो) संघटनेशी संबंधित एका दहशतवाद्याला इंफाळ पूर्व जिल्ह्यातील नापेटपल्ली येथून अटक करण्यात आली. त्याचे नाव इंगुडम इंगोचा सिंग (५०) असे आहे आणि त्याच्या ताब्यातून पाच काडतुसे भरलेली .३२ पिस्तूल जप्त करण्यात आली आहे. दरम्यान, शुक्रवारी चुराचंदपूर जिल्ह्यातील सिजांग कुकी गावाजवळ सुरक्षा दलांनी १० किलो आयईडी जप्त केला. बॉम्ब निकामी करणाऱ्या पथकाने तो सुरक्षितपणे निकामी केला, असे त्यात म्हटले आहे.
